ଅନୁପ୍ରବେଶକାରୀ
ଅନୁପ୍ରବେଶକାରୀ
ଅନୁପ୍ରବେଶକାରୀ
ରାଜେଶ କୁମାର ଜୈନ୍ (ଶାନ୍ତିରାଜେଶ)
ଆମ ଦେଶେ ଏବେ ବିଦେଶୀ
ପଶି ଆସିଲେଣି ବଙ୍ଗଳାଦେଶୀ ।
ବଙ୍ଗଳା, ଆସାମ ହେଉ ବା ଓଡ଼ିଶା
ଏମାନେ ହୋଇଗଲେଣି ପଡ଼ିଶା ।
ବଡ଼ ଦୋଷୀ ସରକାରୀ ନୀତି
ଭୋଟ୍ ଖେଳର ସବୁ ରାଜନୀତି ।
ପାଖେ ଭୋଟର୍ କାର୍ଡ ଆଉ ରାସନ
ଖୋଲିଯାଇଛି ଚାରିଆଡ଼େ ଦୋକାନ ।
କବଳରେ ଶ୍ରମ ଆଉ ରୋଜଗାର
ଆର୍ଥିକ ଅବସ୍ଥା ଉପରେ ପ୍ରହାର ।
ସାରାବିଶ୍ୱରେ ଭାରତର ଡଙ୍କା
ଅସ୍ଥିର କରି କରିଦେବେ ବଙ୍କା ।
ହତ୍ୟା, ଲୁଣ୍ଠନ ଏମାନଙ୍କ ପେସା
ଛାଡ଼ିନାହିଁ ଆମକୁ ଏଯାକେ ନିଶା ।
ଧର୍ମନିରପେକ୍ଷତାର ଫାଇଦା
ଏବେ ଏହା ଖୁବ୍ ଭଲ ଧନ୍ଦା ।
ପଙ୍ଗୁ ଆଜି ଦେଶର ପ୍ରଶାସକ
ଆସିବ ପୁଣି ମୋଗଲ ଶାସକ ।
ଖାତା ବହି ଭାଷଣରେ ବିଦେଶ ନୀତି
ପଶିଗଲାଣି ଏବେ ପ୍ରିୟାପ୍ରୀତି ।
ମାଟିର ମା’କୁ କଲେଣି ଅକ୍ତିଆର
ତୋଳିଲେଣି ଘର ହୋଇ ନିଜର ।
ସମସ୍ୟା ଅଟେ ଅତି ବିକରାଳ
ଡେରି ହେଲେ ହୋଇଯିବ କାଳ ।
ସାର୍ବଭୌମତ୍ୱର କରିଦେବ ଶେଷ
ରହିଯିବ କେବଳ ଅବସୋସ ।
ଜାଗିବାର ସମୟ ଆଉ ଦୃଢ଼ ନୀତି
ନହେଲେ ଆମ ଦେଶେ ଆମେ ଶରଣାର୍ଥୀ ।
ନଦେଇ ଏବେ କାହା ମୁଣ୍ଡେ ଦୋଷ
ବିତାଡ଼ିତ କର ଶତ୍ରୁଙ୍କୁ ସୀମାନ୍ତର ଦେଶ ।
ପିନ୍ଧ ଜାତୀୟତାର ବେଶ
ସାରା ବିଶ୍ୱକୁ ଦିଅ ସନ୍ଦେଶ ।
ଅହିଂସାର ପୂଜାରୀ ଆମେ
ନୁହେଁ ଭୀରୁ କାପୁରୁଷ କାମେ ।
ଅପର୍ଣ୍ଣା ନଗର, ଚାଉଳିଆଗଞ୍ଜ, କଟକ-୭୫୩୦୦୪
ଫୋନ୍ : ୯୪୩୭୦୨୦୬୧୮
*****