ଉଦ୍ଧରିଲା ସବୁ ସାଥୀ
ଉଦ୍ଧରିଲା ସବୁ ସାଥୀ
ଶୁଣିଲଣି କିଲୋ,ନନ୍ଦରଜା ପୁଅ
କିସ ରଚିଲାଣି କାଣ୍ଡ ,
ଘଟଣାରେ ପରା ପଡୁଛି ,ଉଠୁଛି
ସାରା ଗୋପପୁର ଦାଣ୍ଡ ।
ବହୁରୂପୀ ଗୋଟେ ପଶିଆସିଥିଲା
ଆମ ମୁଲକକୁ ଲୁଚି ,
ବାଳକ ମେଳରେ ମିଶି ଖେଳୁଥିଲା
ଖେଳ ସିଏ ମିଛି ମିଛି ।
ଅଚାନକ କେତେ ପିଲା ଅପହରି
ରଖିଲା ପାହାଡ଼ ଖୋଲେ ,
ତା' ଫନ୍ଦି ଫିକର ବୁଝିକରି କାହ୍ନା
ଗୋଡେଇଲା କଉଶଳେ ।
ଦଇତଟା ସାଥେ ଲଢେଇ କରିକି
ଉଦ୍ଧରିଲା ସବୁ ସାଥୀ ,
ଆମ କହ୍ନେଇର ଜୟ ଗୀତିରେ ଲୋ,
ଉଠିଲେଣି ସବୁ ମାତି ।।
ବି. ନିରୁପମା
ମାମୁରିଆ, ଛେଣ୍ଡିପଦା,ଅନୁଗୋଳ।