ମହାନ୍ ନାରୀ (MAHAAN NAAREE)
ମହାନ୍ ନାରୀ (MAHAAN NAAREE)
ମହାନ୍ ନାରୀ
ନିରବ ନିରବଛିନ୍ନ ଦୃଷ୍ଟିର
ସଂଗୁପ୍ତ ଭାଷାର ଅକୁହା କଥା |
ଶବ୍ଦ ଓ ଅଲୁଅର
ଅବିରାମ ଲୁଚକାଳି ଖେଳରେ
ସମ୍ପର୍କର ପରିଧିକୁ
ବିସ୍ତୃତ କରି ଓ କରାଇ ,
ସାମିପ୍ୟ ତଥା ସହାବସ୍ଥାନର
ନୂତନ ପରିଭାଷାରେ
ଅନ୍ବେଷା ଓ ଜିଜ୍ଞାସା ର
ମଧ୍ୟବର୍ତୀ ଇଲାକାରେ ....
ସଂଯୋଗୀ ମନବୃତ୍ତି ଟିଏ
ଭରିଦିଅ ତମେ ନାରୀ |
ଘଟଣା ଓ ଦୁର୍ଘଟଣା ର
ଘାତ ପ୍ରତିଘାତ ମଧ୍ୟରେ ,
ଜୀବନଟା ଜୀଇଁବାର
ଅଦମ୍ୟ ପୀପାସା ଆଣିଦିଅ ...
ଚିରନ୍ତନ ସତ୍ୟ ପରି
ତମ ପଛେ ଧାଇଁବାର ଅଦମ୍ୟ
ମାନସିକତାକୁ |
ଅଶୋକ ବନର ଶିଂଶପା ବୃକ୍ଷପରି
ଅଶ୍ରାଦିଅ ତମେ ,
କିନ୍ତୁ
ସେ ଦିଗମାୟାବୀ ଅରଣ୍ୟରେ
ଭ୍ରଷ୍ଟ ପଥଚାରୀ ଓ ନଷ୍ଟ ଗନ୍ଧର୍ବର
ଛଳନା
ତଥା ପ୍ରତାରଣାର ଅସ୍ତରଣ
ଏଡାଇବାର ପ୍ରୟାସ ବି କରନି |
ସୃଷ୍ଟିର ଆଦ୍ୟଭାଷା (ପ୍ରେମ )
ଏଯାବତ୍ ତମ ରୁପର ଆନିନ୍ଦ୍ୟ
ରୋସଣୀରେ ,
ସାରା ଦୁନିଆକୁ ଝଲକାଉଥାଅ ...
କାରଣ ମହାନ୍ ନାରୀ ତମେ |
ମନଗହନର ନିଭୃତ ତମ ପ୍ରଦେଶରେ
ଲୁକ୍କାୟିତ ଅନ୍ତରଂଗ ସତ୍ୟଟିକୁ
ଛଳନାର ଆବରଣ ଢାଙ୍କି
ଗତାନ୍ବିତ ଜୀବନରେ ଖାଲି ଅଭିନୟ
କରିଚାଲ,
କିଛି ହୋଇନଥିବାର ଏକ
ନିର୍ଲିପ୍ତ ନିର୍ବିଶକ ଚାହାଣୀର ଠାର ଦେଇ |
ସେ ଚାହାଣୀ ପ୍ରକାରାନ୍ତରେ କ୍ଷତାକ୍ତ
କରେ
ସରଳ ବିଶ୍ବାସୀ ପ୍ରେମିକର ହୃଦୟକୁ |
ତମସହ ସମ୍ପର୍କ ଯୋଡିଲାପରେ
ସେ ନିଡ ଭାଙ୍ଗିଯାଏ ପୁଣି
ବିହଙ୍ଗ ବିପ୍ଳବର
ବିଧ୍ବସ୍ତ ନଷ୍ଟ ନିଡପରି ତଥାପିତ |
କିନ୍ତୁ
ସ୍ମୃତିର ଶରହଦ ତଳୁ
ତମେ ଅଲୋକ ବର୍ତିକା ,
ବେଲାଭୂଇଁର ଅସଂଖ୍ୟ ଅସ୍ପଷ୍ଟ
ପଦଚିହ୍ନ ମଧ୍ୟୁ
ଗୋଟାଇ ଚାଲିଥାଅ
ନିଳକାନ୍ତ ଶୌରଭ ଶାମୁକା ...
କାରଣ ମହାନ୍ ନାରୀ ତମେ |
ତଥାପିତ ,
ତମେ ବହନକର
ପରମ ପୁରୁଷଙ୍କ ସୁସ୍ପଷ୍ଟ ସ୍ବାକ୍ଷର ,
ତେଣୁ ତମେ
ପୁନ୍ୟୋତୟା ମନ୍ଦାକିନୀ ଓ
ପ୍ରାଣପ୍ରାଚୁର୍ଯ୍ୟୁର ଅଫୁରନ୍ତ ଗନ୍ତାଘର |