ମନ ମନ୍ଥନ
ମନ ମନ୍ଥନ
1 min
13.2K
ମନ ମନ୍ଥନ
ଦେଖୁଛି ନୀଳ ଗଗନେ
ପୁଣି ଏ ଧରା ପ୍ରାଙ୍ଗଣେ
ଦର୍ପଣେ ଦେଖୁଛି ପୁଣି ବନ ଉପବନେ
ଦେଖୁଛି ଆଜି ମୁଁ ଯେହ୍ନେ ପ୍ରତିଟି ସୁମନେ
ଏକା ସେହି ତୁମ ସରସ ବଦନ ।
ପ୍ରତିବିମ୍ବେ ଦେଖେ ଆଜି
ନୟନେ ଲୋତକ ରାଜି
ଆସିଅଛୁ ମୋର ପାଶେ ବଧୁବେଶ ସାଜି
ସୁନେଲି ସପନ ମୋର ପଡିଯାଏ ଭାଜି
ସାହାରା ଜୀବନେ ନିରସ ପରାଣ ।
ଦେଖୁଛି ଜଳି ଯୌବନେ
ପୁଷ୍ପିତ ରାଜୀବ ବନେ
ବାସଭରା ମଧୁ ବହି ପ୍ରେମ ଆବାହନେ
ଏ ଭ୍ରମରେ କୋଳେ ଧର ଶରଧା ବନ୍ଧନେ
କି ବା ଖାଲି ମରୁବାଲି ଏ ସପନ ।
ପ୍ରିୟା ମୋ ଯାଇଛ ହଜି
ଜୀବନେ ତୁମକୁ ଖୋଜି
ସଂସାର ସପନେ ଆଜି ରହିଅଛି ମଜି
ତୁମ ପାଇଁ ସର୍ବହରା ମରଣକୁ ରାଜି
ମୋ ମନକାନନେ କୁସୁମ ମଳିନ ।
କବି - ଶ୍ରୀଯୁକ୍ତ ପ୍ରସନ୍ନ କୁମାର ମାଦଳା