Audio

Forum

Read

Contests

Language


Write

Sign in
Wohoo!,
Dear user,
ଶିହରିତ ସ୍ୱପ୍ନ
ଶିହରିତ ସ୍ୱପ୍ନ
★★★★★

© Anjali Pattnaik

Others

1 Minutes   13.0K    8


Content Ranking

ତୁ କୋଉଠି ନାହୁଁ

ବୋଲି ଖୋଜି ମୁଁ ବସିଲି

ଭୂମିରୁ ଅନ୍ତରୀକ୍ଷ

ପାହାଡରୁ ସାଗର

ସବୁ ଦରାଣ୍ଡିଲି

ପ୍ରତି କଣିକାରେ ଖାଲି

ତତେ ତ ଦେଖିଲି.......

ଘରର ଅରା ସନ୍ଧି

ଚଟାଣରେ ସିମେଣ୍ଟ ଛାଡିଥିବା

ଛୋଟ ଛୋଟ ଗାତ,

ରୋଷେଇ ଘରେ ଭୋଜନ

ପରେ ବଳିଥିବା ଭାତ,

ଅଧା ପାଣି ନିଗିଡିଥିବା

ବାସନ ଥାକ ର ବାସନ

ଆଦୌ ଲୋ୍ଚାକଚା ହୋଇ

ନଥିବା ମୋ ବିଛଣା ଚାଦର,

ଅଫିସ ଫେରି

ଆଲଣାରେ ପକାଇଥିବା

ଝାଳୁଆ ଶାଢୀ,

ବୃନ୍ଦାବତୀଙ୍କ ଠି ଜଳୁଥିବା

ସନ୍ଧ୍ୟା ବତୀ,

ରାତିର ସାଥେ ସାଥେ ଫୁଟୁଥିବା

ରଜନୀ ଗନ୍ଧାର ବାସ୍ନା ,

ସବୁଠି କେବଳ ତୁ....

କାହାକୁ ତ ଛାଡିନୁ ତୁ,

ମତେ ବି ନୁହେଁ,

ଗାଧୁଆ ପରର ମୋ

ଓଦା କେଶରୁ

ନିଗିଡୁ ଥିବା ପାଣି,

ତୋ ନାଁ ରେ ପଡୁଥିବା ଉଠୁଥିବା

ମୋ ଛାତି

ତୋ ଚୁମାରେ ଶିହରିତ

ହେଉଥିବା ମୋ ଓଠ,

ତୋତେ ସିଧାକରି ଚାହିଁ

ପାରୁନଥିବା ମୋ ଆଖି,

ତୋ ସ୍ପର୍ଶର କଳ୍ପନାରେ ବି

ବରଡା ପତ୍ର ପରି ଥରୁଥିବା

ମୋ ଦେହ,

ତୋ ପାଦରେ ଘଷି ହୋଇ

ଶବ୍ଦ କରୁଥିବା ମୋ ପାଉଁଜି

ତୋ ଦୃଢ ବନ୍ଧନରେ

ଶବ୍ଦ କରିବା ଭୁଲି ଯାଇଥିବା କଙ୍କଣ

ସବୁଠି ତୋ ଉପସ୍ଥିତି

ଜାଣିପାରେନି ମୁଁ ସ୍ୱପ୍ନ ରେ ଥାଏ

କି ଜୀବନ ସ୍ୱପ୍ନ ହୋଇଯାଏ...

ଭୂମି ଅନ୍ତରୀକ୍ଷ ସିମେଣ୍ଟ

Rate the content


Originality
Flow
Language
Cover design

Comments

Post


Some text some message..