ଅପାଠୁଆ ହେଲେ ଜନପ୍ରତିନିଧି
ଅପାଠୁଆ ହେଲେ ଜନପ୍ରତିନିଧି
ଅପାଠୁଆ ହେଲେ ଜନପ୍ରତିନିଧି
ପର୍ଶୁରାମ ବିଶ୍ୱାଳ
ପାଠ ପଢ଼ି ଯା’ର ଯିମିତି ଯୋଗ୍ୟତା, ତା ପାଇଁ ମିଳେ ଚାକିରି
ରାଇଜ ସଂସାର ଚାଲିଚି ଇମିତି, ଅବୁଝା ନୁହେଁ କାହାରି
ଜନପ୍ରତିନିଧି ପାଇଁ ପାଠ ଲୋଡ଼ା
କିଆଁ ନାହିଁ ଗିରିଧାରୀ ?
ଅପାଠୁଆ ହେଲେ ଜନପ୍ରତିନିଧି, ଶାସକ ଅମଲାତନ୍ତ୍ର
ସୁଯୋଗ ସେ ନେବେ ତାଙ୍କ ଦୁର୍ବଳତା, ଆମେ ହେବୁ ହନ୍ତସନ୍ତ
ଦେଖାଯାଏ ସ୍ୱର୍ଗ ଅବା ସେ ନରକ
କେ କହିବ ଚକ୍ରଧାରୀ ?
ମୂରୁଖଟି ଯେବେ ହୋଇଥାଏ ପ୍ରଭୁ ଆମ ଲୋକପ୍ରତିନିଧି
ରବରଷ୍ଟାମ୍ପ ଭାବିବାଟି ସାର, କି ଅଛି ତାଙ୍କର ବୁଦ୍ଧି
କି ଚଳେଇବେ ସେ ରାଇଜ ଦେଶକୁ
କଥା କାମ ହବ ବାରି ।
ଅପାଠୁଆ ନେତା ଅଖାଡୁଆ କଥା, ଚର୍ଚ୍ଚା ସେ ଗଣମାଧ୍ୟମ
କହୁକହୁ କ’ଣ କହି ସେ ଦିଅନ୍ତି, ହୁଏ ତାଙ୍କ ମତିଭ୍ରମ
ଦେଶରେ ସମସ୍ୟା ପ୍ରାଚୀରଟି ଉଭା
ସମାଧାନ ହୁଏ ଡେରି ।
ଶିକ୍ଷାରେ ନିର୍ଦ୍ଦିଷ୍ଟ ମାପକାଠି ଲୋଡ଼ା, ହେଲେ ଜନପ୍ରତିନିଧି
ଲୋଡ଼ା ବଦଳିବା ଯା’ ଅଛି ବ୍ୟବସ୍ଥା ଆମ ସମ୍ବିଧାନ ବିଧି
ତେବେରେ ଦେଖିବୁ ଗଣତନ୍ତ୍ର-ରଥ
ଗଡ଼ିବରେ ଘିରିଘିରି ।
ଗ୍ରା.-ମିତ୍ରସେନପୁର, ପୋ.ଅ.-ଗମୁଁ
ଭା.-ଇନ୍ଦୁପୁର, ଜି.-ଯାଜପୁର, ପିନ୍-୭୫୪୨୧୪
ଫୋନ୍-୯୮୫୩୭୫୯୭୦୦
*****