ବର୍ଷା ଓ ପ୍ରେମ
ବର୍ଷା ଓ ପ୍ରେମ
ତୁମ ଜଳବିନ୍ଦୁ ଯେବେ ଠାରୁ ଆସି
ଦେହକୁ ମୋ ଛୁଇଁଗଲା
ସେବେଠାରୁ ସତେ ହୃଦୟରେ ମୋତେ
ପ୍ରେମ ବୋଧେ ହେଇଗଲା ।
ପ୍ରେମ ଋତୁ କେବେ କେମିତି ଆସଇ
ସେକଥା ମୁଁ ଜାଣି ନାହିଁ
ହେଲେ ମୋ ମନଟା ଖୋଜୁଛି ପ୍ରେମିକା
ତୁମେ ଗଲା ପରେ ଛୁଇଁ ।
ତୁମ ଆଗମନେ ପ୍ରେମ ଋତୁ ବୋଧେ
ଏମିତି ଧସେଇ ପଶେ
ପ୍ରେମର ଅଂକୃତ ବୀଜ ବୁଣି ମନେ
ହୃଦୟରେ ଯାଇ ବସେ ।
ଦେହରେ ଉଠଇ ପ୍ରେମର ତରଙ୍ଗ
ମନରେ ପ୍ରୀତିର ରଙ୍ଗ
ପ୍ରେମ ପରଶ ରେ ପ୍ରଭାବିତ ହୁଏ
ଶରୀରର ସବୁ ଅଙ୍ଗ ।
ମୁଁ ଆଜି ଭାବୁଛି ପ୍ରେମ ଅଟେ ବୋଧେ
ବରଷାର ଅନ୍ୟନାମ
ସେଥିପାଇଁ ପରା ବରଷା ଆସିଲେ
ହୋଇଯାଏ ମୋତେ ପ୍ରେମ ।
***
ପ୍ରଶାନ୍ତ କୁମାର ନାଥ
ବାଙ୍ଗାଲୋର