Audio

Forum

Read

Contests

Language


Write

Sign in
Wohoo!,
Dear user,
ଚରମ ସତ
ଚରମ ସତ
★★★★★

© Prasanna Kumar Madala

Abstract Inspirational

1 Minutes   6.6K    5


Content Ranking

ପ୍ରହଲାଦ ଶିରୋମଣି ଭକତ 

ହିରଣ୍ୟକଶିପୁ ଔରସେ ଜାତ 

ସଂଜୀବନୀ ହେଲା ବୋଲି ଗୁପତ

ଝୁରଇ ମେରୁ ପର୍ବତ.... ଲୋ ସଜନୀ 

ଭଲା ବିପରୀତ ଏକଥା ଚରମ ସତ । 

ପିତୃଶ୍ରାଦ୍ଧେ କରୁ କି ଦୀପଦାନ 

ଦୀପକ ଲିଭାଇ ଜନମ ଦିନ 

ମଢକୁ ଛୁଇଁଲେ ଶୌଚ ବିଧାନ

ମାଂସ ଖାଇବାରେ ମନ... ଲୋ ସଜନୀ 

ଭଲା ବିପରୀତ ଏକଥା ଚରମ ସତ । 

ମଦ ଦୋକାନରେ ଲାଗିଛି ଧାଡ଼ି 

କ୍ଷୀରବାଲା ବାର ପିଣ୍ଡାରେ ଚଢି 

ନିଅ ନିଅ ବୋଲି ବୋବାଏ ରଡି 

ଦୀରିଘ ଶୁଆସ ଛାଡ଼ି... ଲୋ ସଜନୀ 

ଭଲା ବିପରୀତ ଏକଥା ଚରମ ସତ । 

ପଚାରୁ କ୍ଷୀରେ କି ମିଶିଛି ପାଣି 

ନିଇତି ପରଖି ମିଟର ଆଣି 

ଖାଣ୍ଟି ପିଇବାଟା କଡୁଆ ଜାଣି 

ମଦରେ ମିଶାଉ ପାଣି... ଲୋ ସଜନୀ 

ଭଲା ବିପରୀତ ଏକଥା ଚରମ ସତ । 

ଜୀବ ଉଡିଗଲେ ଶରୀର ଶବ 

ଶେଷ ଯାତରାରେ ଆଗରେ ଯିବ 

ବିଭା କାଳେ ବର ପଛରେ ଶୁଭ

ବରଯାତ୍ରୀ ଆଗେ ଥିବ... ଲୋ ସଜନୀ 

ଭଲା ବିପରୀତ ଏକଥା ଚରମ ସତ । 

ଅସଲ ଭିକାରୀ ବସେ ବାହାରେ 

ଥିଲାବାଲା ଯାଇ ମାଗେ ଭିତରେ

କ୍ଷୀର ଢାଳି ଦେଇ ପଥର ପରେ 

ପୁଷ୍ଟି ହୀନେ ଶିଶୁ ମରେ... ଲୋ ସଜନୀ 

ଭଲା ବିପରୀତ ଏକଥା ଚରମ ସତ । 

ଦାମିକା ପାଉଁଜି ପାଦ ହିଁ ବହେ

ପଇସାକ ବିନ୍ଦି ଲଲାଟେ ଶୋହେ 

ଲୁଣ ପରି କଟୂ କଥାଟି କହେ 

ଲୁଣେ କିବା ପୋକ ରହେ...ଲୋ ସଜନୀ 

ଭଲା ବିପରୀତ ଏକଥା ଚରମ ସତ । 

ପ୍ରସନ୍ନ କୁମାର ମାଦଳା 

ପିତୃଶ୍ରାଦ୍ଧେ ବର ବିନ୍ଦି

Rate the content


Originality
Flow
Language
Cover design

Comments

Post


Some text some message..