ମିଳିବେ ବହନ
ମିଳିବେ ବହନ
1 min
6.6K
ମିଳିବେ ବହନ
ରମାକାନ୍ତ ପୁରୋହିତ
ପରବ ପରବ ଜାଗର
ଜଗତ ପୂଜନ୍ତି ଶଙ୍କର ।
ଧ୍ୱଂସ କରତା ମହେଶ୍ୱର
ପରିବେଶ ପାଇଁ ବିଶ୍ୱର ।
ସାଦରେ କଲେ ବିଷପାନ
ଜଗତ କରିଲେ ଶୋଭନ ।
ସେ ସ୍ଥାଣୁ ପ୍ରଭୁ ତ୍ରିଲୋଚନ
ସକଳ ଦୁଃଖ ବିମୋଚନ ।
କୈଳାସ କନ୍ଦର ନିବାସୀ
ଗଙ୍ଗା ଭ୍ରମେ ଯା କେଶରାଶି ।
ଭୀକ୍ଷ ଭୈରବ ଭୟଙ୍କର
କେବେ ଶାନ୍ତ କାନ୍ତ ସୁନ୍ଦର ।
ତାହାଙ୍କୁ ଆଜି ଭକ୍ତ ଗଣ
ସାଦରେ ନୈବେଦ୍ୟ ଅର୍ପଣ ।
ଶଙ୍କର ଶଙ୍କର ଶଙ୍କର
ଏକାମ୍ର ସୃଷ୍ଟି ଭୟଙ୍କର ।
ଯାହା ଦିନେ ସୁନ୍ଦର ରମ୍ୟ
ଆମ କରମରେ ଅଗମ୍ୟ ।
ହରାଇ ବସେ ମନୋରମ
ଆମ ପାଇଁ ଆମେ ହିଁ ବାମ ।
ଆଚରଣ ଓ ଉଚ୍ଚାରଣ
କରେ ପ୍ରକୃତି ପ୍ରଦୂଷଣ ।
ତେଣୁ ଦୂଷଣ କରତାଙ୍କୁ
ଶାସ୍ତି ବିଧାନରେ ତାହାଙ୍କୁ ।
ଏ ଅବସରରେ ଆବାହନ
କରିବେ କଳୁଷ ବହନ ।
ଆରୋହୀ ବୃଷଭ ବାହନ
ଡାକିଲେ ମିଳିବେ ବହନ ।