ତପସ୍ୟା
ତପସ୍ୟା
1 min
176
ଏଣେ ଖୋଜା ଚାଲିଛି ପାହାଡ ଗୁମ୍ଫା
କିଛି ଅରଣ୍ଯ,ବାଘଛାଲ,ନିର୍ଜନତା,
ଉଦାସୀନତାର ଅଭ୍ଯାସ,ବସିଯିବାର ବାସନା,
ଅର୍ଦ୍ଧ ନୀମିଳିତ ଆଖିପାଇଁ ଜଣେ ଗୁରୁ,
ଆଶା ବାଡି,କମଣ୍ଡଳୁ !
ତେଣେ ପୋଛିବାପରି ପୋଛିଆଣିଲେ
ଖାଲି କଣ୍ଟ ବି ଭରିଯାଉଛି ଚାଉଳ,
ପରିବା ନାହିଁ ତ ସେଇ ଚାଉଳ ତିଆରି
ବଡି ପାମ୍ପଡରେ ବ୍ଯଞ୍ଜନ,
ଘର ଚାରିପଟ ସବୁଜିମାରୁ ଶାଗ,
ମସଲା ନାହିଁ ତ କିଛି ମିଠା ମିଠା କଥା,
ତେଲ ବୋଲି ଟୋପେ ସ୍ନେହ,
ଲୁଣ ବୋଲି ଦି'ଟୋପା ଝାଳ,
ପନିକିରେ କଟା ଆଙ୍ଗୁଳି ରକ୍ତରେ
ଆତ୍ମୀୟତାର ଲୋଟଣି ଏଘର ସେ ଘର,
ଗୁଡେ କୋଳାହଳ ଜଞ୍ଜାଳର ବାମ୍ଫଉଠା ଠାଆ !
ଲୁହ ହସର ଫୁଲଭିତରେ ଘାଣ୍ଟି ହେଉଥାଏ ମାଆ !!