ମଧୁଛନ୍ଦା ନାଚେ ତାଳ ପକେଇ
ମଧୁଛନ୍ଦା ନାଚେ ତାଳ ପକେଇ
ଥିନି ତାକ ଥେଇ-ତା' ଥେଇ-ଥେଇ ,
ମଧୁଛନ୍ଦା ନାଚେ ତାଳ ପକେଇ ।
ଛମ ଛମ ବାଜେ ଘୁଙ୍ଗୁର ତା'ର ,
ଅଙ୍ଗଭଙ୍ଗୀ ତୋଳେ କି ମନୋହର ।
କଥା କୁହା ଆଖି -ମୁହଁର ହସ ,
କେବେ ସରସ ସେ କେବେ ବିରସ ।
ଇତିହାସ ଆଉ ପୁରାଣ ଛାପ ,
ଆଧୁନିକତାର ମିଳିତ ରୂପ ।
ଛନ୍ଦମୟ ତା'ର-ମୁଦ୍ରା ଓ ଠାଣି ,
ନିଏ ପରା ଜନ ମନକୁ ଟାଣି ।
ଲାସ୍ୟମୟୀ ସେ ଯେ ନୃତ୍ୟ ସୁନ୍ଦରୀ ,
ସାଧନାଟି ନିତି ରଖିଛି ଜାରି ।
ଭଲ କରି ସିଏ ପାରିଛି ଜାଣି ,
ସାଧନାଟି ସିଦ୍ଧି ଦିଅଇ ଆଣି ।
ଆମେ ବି ଏକଥା ରଖିଲେ ମନେ ,
ସଫଳତା ନିଶ୍ଚେ ପାଇବା ଦିନେ ।।
ବି. ନିରୁପମା
ମାମୁରିଆ, ଛେଣ୍ଡିପଦା,ଅନୁଗୋଳ ।