ମଦିରା
ମଦିରା
ସପନ ଦେଶରେ ବୁଲାଇ ନିଏ
ରଙ୍ଗୀନ ସପନ କେତେ ଦେଖାଏ
ମିଛ ସବୁ ଲାଗେ ସତ ସମାନ
ମଦିରା ପ୍ରଭାବେ ଭ୍ରମିତ ମନ ।
ସୁରାପାନ ସହ ସାକୀ ସଙ୍ଗମ
ପଙ୍କ ଭିତରକୁ ଟାଣେ ଯେ ଯମ
ନିୟନ୍ତ୍ରଣ ନିଜ ହରାଏ ମନ
ଚୁନା ହୋଇଯାଏ ସୁନା ସପନ ।
କଷ୍ଟାର୍ଜିତ ଧନ ଯାଏ ବେକାର
ମଦ୍ୟପଙ୍କ ସଙ୍ଗେ ବସେ ଆସର
ଜ୍ଞାତିଜନ ସଙ୍ଗେ ଲାଗେ କଳହ
ଉପଦେଶ ତାଙ୍କ ଲାଗେ ଅସହ୍ୟ ।
ବେଳ ଥାଉଁ ଥାଉଁ ସୁଧୁରି ଗଲେ
ସୁନା ପରିବାର ବଞ୍ଚେ ଯେ ଭଲେ
ସବୁ ଜାଣିଶୁଣି ମଦ୍ୟପ ହେଲେ
ପ୍ରାଣପକ୍ଷୀ ଉଡିଯିବ ହାଉଲେ ।