ସୁଗନ୍ଧା ପ୍ରତି
ସୁଗନ୍ଧା ପ୍ରତି
(ଶ୍ରୀମତୀ ଜ୍ୟୋତ୍ସ୍ନା ପୃଷ୍ଟି ,ସୌଭାଗ୍ୟ ନଗର ,ଭୁବନେଶ୍ବର )
ସାରା ସଂସାରରେ ହିନ୍ଦୁଙ୍କ ଧର୍ମରେ ,
ସୁଗନ୍ଧା ପବିତ୍ର ପତ୍ର ।
ମାଆ ବୃନ୍ଦାବତୀ ଗୃହ ପ୍ରାଙ୍ଗଣରେ ,
ସଯତ୍ନ ବିଧିତ ଶାସ୍ତ୍ର ।।(୧)
ଶ୍ରୀଜଗନ୍ନାଥଙ୍କ ଅତିପ୍ରିୟତାରେ ,
ତୁଳସୀର ଧଣ୍ଡାମାଳ ।
ତା ବିନୁ ଯେ କେବେ ହୁଏ ନାହିଁ ପୁରେ ,
ପୂଜାପାଠ ଶୁଭସ୍ଥଳ ।।(୨)
ପରମ ଔଷଧୀ ଏ କଳି ଯୁଗରେ ,
ସଂଜୀବନି ଦିଏ ବିଂଚି ।
ପ୍ରଭୂ ନାରାୟଣ ରଚିଲେ ଜଗରେ ,
ମହା ପ୍ରାଣ ଦେଲେ ଛିଞ୍ଚି ।।(୩)
ମାନଵ ଜୀବନେ ଆଧ୍ୟାତ୍ମିକ ସ୍ତବ ,
ସୁବାସିତ ରସାୟନ ।
ଶାଶ୍ଵତ ଚନ୍ଦନ ସୁମନ ପଲ୍ଲବ ,
ଭରି ଦିଏ ସମ୍ମୋହନ ।।(୪)
କେରିକେରି ଦୁବ ଦିବ୍ୟ ଛଟା ସଙ୍ଗେ ,
ତୁଳସୀ ଦୟଣା ଫାଶ ।
ଶ୍ରୀମୁଖ ଦର୍ଶନ ଆନନ୍ଦ ସର୍ବାଙ୍ଗେ ,
ହୃଦେ ମକରନ୍ଦ ରସ ।।(୫)
ଆବହମାନରୁ ପୂଣ୍ୟରତ୍ନ ତୁଲ୍ୟ ,
ମହୀ କୋଳେ ନିବିଡ଼ତା ।
ସୌଭାଗ୍ୟ ସୁନ୍ଦର ଆଶିଷ ଔଜ୍ଜ୍ୱଲ୍ୟ ,
ଭକ୍ତିପ୍ରାନ୍ତେ ଆବିର୍ଭୁତା ।।(୬)