ରାମ ହିଁ ଜୀବନ
ରାମ ହିଁ ଜୀବନ
ରାମ ହିଁ ଜୀବନ ରାମ ସୁମର୍ଯ୍ୟାଦା
ରାମ ଜୟ ରାମ ଶକ୍ତି
ରାମ ମହାନାମେ ବରଷେ ଅମୃତ
ରାମ ନାମେ ସୁଧା ଅଛି ।
ଜୟ ଜଗନ୍ନାଥ ଶ୍ରୀ ପୁରୁଷୋତ୍ତମ
ବାମନ ମଧୁସୂଦନ
ଶ୍ରୀରାମ ଶ୍ରୀକୃଷ୍ଣ ବୁଦ୍ଧ ଦାରୁବ୍ରହ୍ମ
ଜୟ ପ୍ରଭୁ କଳ୍କୀରାମ ।
ଦୁର୍ବାଦଳ ଶ୍ୟାମ ଭଗବାନ ରାମ
ରୋମେ ରୋମେ ବାସ ରାମ
ଯୁଗେ ଯୁଗେ ପ୍ରଭୁ ନିଅ ଅବତାର
ଦୁଷ୍ଟ ଙ୍କୁ କର ଦଳନ ।
ରାମ ମହାମନ୍ତ୍ରେ ଓଁକାରେ ଜୀବନ
ଉଦେ ହୁଏ ଚନ୍ଦ୍ର ସୂର୍ଯ୍ୟ
କରୁଣାନିଦାନ ନୟନାଭିରାମ
ରାମ ରାଜୀବ ଲୋଚନ ।
ରାମ ଦରବାରେ ଅଖଣ୍ଡ ଆରତି
ଜଳୁଅଛି ସଦା ଜଳୁ
ଶତ ବାଧାବିଘ୍ନ ରୋଗ ଦୁଃଖକଷ୍ଟେ
ଜୀଇବାର ରାହା ମିଳୁ ।