କୁନା ପାଇଁ ନାନାବାୟା
କୁନା ପାଇଁ ନାନାବାୟା
ସୁଶାନ୍ତ କୁମାର ନନ୍ଦ
ବିଲୁଆ ନନା , ଧାଇଁଛୁ କୁଆଡ଼େ ,
ଇଆଡ଼େ ଅନା ।
ମାଉସୀ କରିଛି ଆରିଶା ପିଠା ,
ବଢିଆ ସୁଆଦ ଆହାକି ମିଠା
ଟିକିଏ ରହି , ଯାଆ ତୁ ଖାଇ ,
ନକରି ମନା ।
ହନୁ ମଉସା , ମୁଣିରୁ କାଢି ,
ଦେଏ ପଇସା ।
ସହରେ ହେଉଛି ବାଲି ଯାତରା ,
ମେଲେଇ ଦେଇଛି କେତେ ପସରା ,
ମାଉସୀ ମୋ , ଯିବ ସହର ,
କରିଛି ଆଶା ।
ପୁଷି ବିଲେଇ , ମୁହଁ ଫୁଲେଇ ,
ବସିଛୁ କାହିଁ ।
ମଉସା ଆଣିଛି ଭାକୁର ଧରି ,
ମାଉସୀ ରାନ୍ଧିଛି ଯତନ କରି ,
ଆଇଁସେ ତୋର , ଭାରି ଆଦର ,
ଜାଣିଛି ମୁହିଁ ।