ଅନୁଭବୀର ଅନୁଭବ
ଅନୁଭବୀର ଅନୁଭବ
ବୋଧେ ତୁମେ କୁହୁକ ମନ୍ତ୍ର ଶିଖିଛ
ସେଇଥି ପାଇଁ
କାନ କହୁଛି-
ଆଉ ଥରେ ଶୁଣିବାକୁ
ତୁମ ପ୍ରୀତି ଭିଜା ଓଠରୁ
ଉଷୁମ୍ ମିଶା କଥା •••
ମନ କହୁଛି-
ଭିଜିବାକୁ ତୁମ ସାଥେ
ବାହୁ ଯୁଗଳରେ ଛନ୍ଦା ଛନ୍ଦି ହୋଇ
ଏକା ଏକା ନିଛାଟିଆ
ଶ୍ରାବଣର ଅଧରାତିରେ •••
ଆଖି କହୁଛି-
ତୁମ ସଜ ମୁଖ
ମନ ଭରି ଦେଖିବାକୁ •••
ଆଉ
ଓଠ କହୁଛି-
ତୁମ ମନ ପ୍ରାଣ
ରୂପ କାନ୍ତି - ଯୌବନକୁ
ଚୁମିବାକୁ •••
ହେଲେ;
ଆଜି ମୁଁ ନିଷ୍କ୍ରିୟ, ନିଃସ୍ବ, ଯାଯାବର
ଖାଲି ମୋ ପାଖରେ
ତୁମେ ନାହଁ ବୋଲି •••
ଶ୍ରୀ ଲକ୍ଷ୍ମଣ କୁମାର ବେହେରା (ଯତି)
କବି କୁଟୀର
ଦଣ୍ଡାସିଂହା,ବାରକୋଟ
ଦେବଗଡ (ଓଡିଶା)
ମୋ- 09668242720