ମାଁ ଆସିଥିଲେ ଆସି କହିଗଲେ
ମାଁ ଆସିଥିଲେ ଆସି କହିଗଲେ
ମାଁ ଆସିଥିଲେ ଆସି କହିଗଲେ
**********************
ଏଇ ଦଶରାରେ ମାଆ ଆସିଥିଲେ
ଆମ ମର୍ତ୍ତ୍ୟପୁର ବୁଲି ।
ମନ ହରଷରେ ବୁଲିକି ଦେଖିଲେ
ସିଂହ ସାଥେ ଚାଲି ଚାଲି ।
କେଉଁଠି ଦେଖିଲେ ସୁନା ଚାନ୍ଦି ମେଢ
କେଉଁଠି ମାଟି ମୂରତି ।
ଆଲୋକ ସଜ୍ଜା ରେ ଆଖି ଝଳସିଲା
ବୁଡିଗଲା ତାଙ୍କ ମତି ।
ଭାବଭକ୍ତି ପୂର୍ଣ୍ଣ ନୈବେଦ୍ୟର ସାଥେ
ପୂଜା ପାଇ ହେଲେ ଖୁସି ।
ଭାରି ଦୁଃଖ କଲେ ମଣ୍ଡପ ସମ୍ମୁଖେ
ଦଖିଣ ବୁଢୀ ମାଉସୀ ।
ହସ୍ତେ ଧରି ଭିକ୍ଷା ଥାଳଟିଏ ସିଏ
ଦ୍ରବ୍ଯ କିଛି ମାଗୁଥାଏ।
ଦେଖି ଅଣଦେଖା ସର୍ବେ କରୁଥିଲେ
ବୁଢୀକୁ ପଚାରେ କିଏ ?
ସେହିଭଳି କେତେ ଦେଖିଛନ୍ତି ଏଠି
ମନ୍ଦିରର ସମ୍ମୁଖରେ ।
ମାଗୁଥାନ୍ତି ଭିକ ଦୁଃଖରେ କଷ୍ଟରେ
ବସି ଭୋକ ଉପାସରେ ।
ମାଟିର ମୂର୍ତ୍ତିକୁ ମାଆ ବୋଲି ଲୋକେ
ଡାକିଥାନ୍ତି ସରାଗରେ ।
ନଡିଆ କଦଳୀ ଧୂପ ଦୀପ ନେଇ
ପୂଜିଥାନ୍ତି ଆନନ୍ଦରେ।
ଜୀବନ୍ତ ମାଆ ଯେ ବସିରହିଛନ୍ତି
ଜାଣିପାରନ୍ତି ନି କେହି।
ଜାଣି ପାରନ୍ତି ନି ତାଙ୍କରି ହୃଦୟେ
କେବେଠାରୁ ଅଛି ରହି ।
କହନ୍ତି ମାଆ ଯେ ଭକତ ଙ୍କୁ ତା'ର
ମୁଁ ଅଛି ସବୁ ହୃଦୟେ।
ସେବାକର ତୁମେ ସେଭଳି ମାଆଙ୍କୁ
ବଞ୍ଚି ଥିବ ଯେବେ ଯାଏଁ ।
କୋଟି କୋଟି ଟଙ୍କା ଖର୍ଚ୍ଚ କରି ତୁମେ
ପାଇଅଛ କେଉଁ ଯଶ ।
ସେତକ ଟଙ୍କାରେ ଦୁଃଖିରଙ୍କି ମାନେ
ଚଳିଯାନ୍ତେ ବର୍ଷ ବର୍ଷ।
ଯାଉଅଛି ଫେରି ଆଶୀର୍ବାଦ ଦେଇ
ଦିଅ ଧର୍ମ ପ୍ରତି ଧ୍ଯାନ ।
ଧର୍ମ କର୍ମ ଯଦି ନିତି କରୁଥିବ
ସୁଖ ହେବ ଦୁଇ ଗୁଣ।
ଭୁଲି ଯାଅ ତୁମେ ରାଗ ହିଂସା ଦ୍ବେଷ
ଅବା ଲୋଭ ମୋହ ମାୟା ।
ଅଧର୍ମ କୁ ତୁମେ କରିଲେ ସଂହାର
ଧର୍ମ ବିସ୍ତାରିବ କାୟା।
ରହିବେନି କିଏ ଦୁଃଖ ସନ୍ତାପରେ
ଦୁଃଖ ଯିବ ଅପସରି।
ମାଆକୁ ଡାକିଲେ ଆର ବରଷରେ
ନିଶ୍ଚୟ ଆସିବି ଫେରି।
******************
ଶ୍ରୀ ଡମ୍ବରୁଧର ବାଗ, ଚପ୍ରିଆ, ଗୋଲାମୁଣ୍ଡା, କଳାହାଣ୍ଡି,
ଫୋନ ନମ୍ବର -୯୧୭୮୨୨୫୭୬୪