ରଙ୍ଗ ରସିକ

ତୋତେ

କେଉଁ ରଙ୍ଗ ଦେବି କହରେ କହ୍ନେଇ

ସବୁ ରଙ୍ଗର ତୁ ଠାକୁର

ଯେ ରଙ୍ଗ କହିବୁ ସେ ରଙ୍ଗ ଲେପିବି

ଦେଇ ସ୍ନେହ ପ୍ରିତି ଅବିର.. ।

ନାଲି ଓଠେ ତୋର ଫିକା ପଡିଯିବ

ଦେଲେ ନାଲି ପ୍ରେମ ମୋହର

ଘନନୀଳ ଦେହେ (ମୋ) ମନ କଳା ଦେଲେ

ଋଷିବସିବ ସେ ଅମ୍ବର..।

ଦୁଧ-ଅଳତାରେ ସଙ୍ଗମ ରଙ୍ଗ କି

ଲାଗିବ ତୋତେ ସୁନ୍ଦର

ବେଣୁପାଣୀ ତୁହି କେମିତି ନାଚିବୁ

ମାନ କଲେ ପଙ୍କଜ ପୟର..।

ସବୁଜ ତୋ ପ୍ରିତି ସବୁଦିନ ପାଇଁ

ପାରିବିନି ଦେଇ ସବୁଜ ରଙ୍ଗ

ସବୁଜ ସଙ୍କେତ ମୋ ଜୀବନ ଚିତ୍ରେ

ବୋଳି ଦେଇଯିବ କଳଙ୍କ ଦାଗ..।

ଗୌରାଙ୍ଗ ତୁ କାହ୍ନୁ ସାଜିବନି ଜମା

ଆଦ୍ୟ ସୁରୁଜର ସୁନେଲି ଆଭା

ବିବିଧ ରଙ୍ଗକୁ ଗାଲେ ଲେପିଦେଲେ

ଏସନ ଫଗୁଣ ହେବ ବିଧବା..।

ନିରୁପାୟ ମୁହିଁ ଭାବ ରଙ୍ଗ ନେଇ

ବୋଳି ଦେଉଛି ତୋ ସାରା ବଦନେ

ମୋ ରଙ୍ଗେ ରଙ୍ଗେଇ ହସିଦେବୁ ଯଦି

ସବୁ ପାଇଯିବି ଏଇ ଜୀବନେ..।