ଆଧୁନିକ ଲୋକଗୀତ: କଲେଜ୍ ଝିଅଙ୍କୁ ପଦେ
ଆଧୁନିକ ଲୋକଗୀତ: କଲେଜ୍ ଝିଅଙ୍କୁ ପଦେ
ଆଧୁନିକ ଲୋକଗୀତ: କଲେଜ୍ ଝିଅଙ୍କୁ ପଦେ
କି ଲାଗି ଅବଳା ଲଳନା
ଖେଳ ଏତେ ବେଳରେ,
ପିତାମାତା ଥିବେ ଭାଳେଣି
କରି, ଫେରି ଯା' ଘରେ |
ଗୁରୁଜନ କଥା ଶୁଣୁନ
ତୁମ ସାହସ ବଡ଼,
କହି ଦେବି ଯାଇ ଘରେ ଯେ
ମାତା ମାରିବେ ମାଡ଼ |
ମାତା ମାଡ଼ ଜାଣି ଫୁଲ ଫୋ-
ପଡ଼ା, ଡରୁନ ଜମା,
ବଡ଼ ଭାଇ ଯେବେ ଜାଣିବ
ଯିବ କୁଆଡ଼େ ବାମା ?
ନାନୀ ଭିଣେଇ ବି ଜାଣିବେ,
ଶୁଣି କରିବେ ଗାଳି;
କେତେ ମିଛ ତାଙ୍କୁ କହିବ
ଭାଳି ରଖିଥା ବାଳୀ |
ପାମ୍ପଡ଼ ଖିଆ ତ ସରିଲା
ପୁଣି ଖାଇବ କିସ ?
ଭାଇନା ପୋକୁଡ଼ି ଛାଣୁଛି,
ଖାଇ ସହଳ ଖସ |
ହରବର ଗିଳି ଦେବନି,
ଯିବ ତଣ୍ଟିରେ ଲାଗି,
ପାଣି ନାହିଁ ପାଖେ, କାଢ଼ିବ
ବାଲ୍ଟି ଦଉଡ଼ି ମାଗି |
ଖାଇ ଦେଇ ଫେରି ଯାଅ ରେ
ପାଦ ଝ'ଅଟ ଚାଳି
ତଳକୁ ଅନେଇ ଚାଲିବ,
କଣ୍ଟା ନ ଯାଉ ଗଳି |
ଘର ପାଖ ହେଲେ ଟିକିଏ
ନେବ ସମ୍ଭାଳି ହସ,
ଶୁଣିଲେ ବକିବ ବୁଢ଼ି ମା
ମରହଟ୍ଟି ମଣିଷ |
ବହି ରଖି ଗୋଡ଼ ଧୋଇବ
ଖାଇ ଦେଖିବ ଟିଭି,
ଏମେର୍ଜେନ୍ସି ରଖି ପଢ଼ିବ,
ଯାଏ ଆଲୁଅ ଲିଭି |
ମୋବାଇଲ୍ ଲୁଚେଇ ବସିବ
ନାହିଁ ଫେସ୍ବୁକ୍ ଖୋଲି,
ପରୀକ୍ଷାରେ ଭଲ ନ କଲେ
ଯିବ ମୁହଁଟି ଫୁଲି |
ଘଣ୍ଟାରୁ ଅଧିକା ବସିବ
ନାହିଁ ନେଟ୍ ପାଖରେ,
କା' ନାମେ ଚୁଗୁଲି କରିବ
ନାହିଁ ମୋବାଇଲିରେ |
ରାତି ବେଶି ଜମା କରିବ
ନାହିଁ ଶୋଇବ ଖାଇ,
ଡେରିରେ ଶୋଇଲେ ସକାଳୁ
ନିଦ ଭାଙ୍ଗିବ ନାହିଁ |
ଲଲାଟେନ୍ଦୁ କବି ୨୮-୭-୨୦୧୬