ଶ୍ରଦ୍ଧାଞ୍ଜଳି
ଶ୍ରଦ୍ଧାଞ୍ଜଳି
ଶ୍ରଦ୍ଧାଞ୍ଜଳି
ପ୍ରମୋଦ ପ୍ରଧାନ
ଜହ୍ଲାଦର ଜହର ଦାନ୍ତ ଟାଣିଆଣେ ବୀଭତ୍ସ ମୃତ୍ୟୁଖେଳ
ନିର୍ବାକ୍ ନିଶ୍ଚଳ ନିଃଶ୍ୱାସ-ପ୍ରଶ୍ୱାସ ରକ୍ତମାଂସ ପଳପଳ
ଆତଙ୍କ ଛାୟାରେ ଛଳଛଳ ଆଖି ମାଟିର ଶକ୍ତ ବକ୍ଷେ
ବକ୍ଷଧାରେ କ୍ଲାନ୍ତ ହିଲ୍ଲୋଳ ଲକ୍ଷଲକ୍ଷ ଅଶ୍ରୁଭେଦୀ କଲ୍ଲୋଳ ।
ହିମର ହେମାଳ ଗୁଳ୍ମରେ ହାହାକାର ରକ୍ତମିଶା କାକର
ଧର୍ମାନ୍ଧଙ୍କ ଅନ୍ଧସୂତ୍ରେ ବିରାଟ ଚିତ୍ରେ ବିକଟ ଚିତ୍କାର
ନିରବ ଗୀତା, କୃଶବିଦ୍ଧ ବାଇବେଲ୍, ଲେଲିହାନ୍ କୋରାନ୍
କୋରାନ୍ ପୃଷ୍ଠାରେ ରେରେକାର କଂସେଇର ନୃଶଂସ ସଂହାର ।
ଧୂର୍ଜଟୀର ତାଣ୍ଡବରେ ଧରାଧାମ ଆଜି ବିକୃତ ଆକୃତି
ମମତାର ଚିତାଭସ୍ମେ କମ୍ପିଉଠେ ପାଉଁଶର ବାରୁଦ ଆବୃତ୍ତି
ପ୍ରକୃତି ପରିଧି ଠେଲି ଆୟୁଧ ସମିଧେ ଅସଂଖ୍ୟ ସମାଧି
ସମୟ ଅବଧିରେ ଥରିଉଠେ ଧରା କଟାକ୍ଷରେ ନିୟତି ।
ଧରାପୃଷ୍ଠ ବିଦୀର୍ଣ୍ଣ, ବିବର୍ଣ୍ଣ ମାନବର ଦାନବ ପଟାଳି
ଅସ୍ତାଚଳୁ ଅସ୍ଥି ତୋଳି ଲହୁବକ୍ଷେ ଲୁହଧାରେ ଶ୍ରଦ୍ଧାଞ୍ଜଳି ।
ଫ୍ରେଣ୍ଡସ୍ କଲୋନୀ, କଟକ
ଫୋନ : ୯୪୩୭୧୮୨୭୮୫
*****