ତୁ ମୋ ନୟନତାରା
ତୁ ମୋ ନୟନତାରା
1 min
316
ଯେବେ ଠୁଁ ଆସିଲୁୁ ଜୀବନେ ମୋହର
ନୂଆ ଏକ ଆଶା ନେଇ
ସେବେଠାରୁ ସତେ ବଞ୍ଚି ମୁଁ ରହିଛି
କେବଳ ତୋହରି ପାଇଁ ।
ତୁ ପରା ସାଜିଛୁ ହସ ଖୁସି ମୋର
ତୁ ମୋର ନୟନ ତାରା
ତୁ ପରା ମୋହର ବରଷାକୁ ଛତା
ଶୀତ ସକାଳର ଖରା ।
ମନରେ ଭରିଛୁ ବଞ୍ଚିବାର ରାହା
ନୂଆ ଆଶା ଆଶ୍ୱାସନା
ଘଡ଼ିଏ ତୋଠାରୁ ଦୁରେଇ ରହିଲେ
ହୋଇଯାଏ ଆନମନା ।
ଜୀବନଟା ମୋର ସାଥିରେ ତୋହର
ମମତା ଡୋରୀରେ ବନ୍ଧା
ସ୍ନେହ ମମତାର ଅପୂର୍ବ ବନ୍ଧନେ
ସେ ପରା ହୋଇଛି ଛନ୍ଦା ।
ଯେତେଦିନ ଥିବ ଦେହରେ ଜୀବନ
ତୋ ପାଇଁ ଥିବ ସେ ରହି
ଜୀବନରେ ମୋର ଆସିଛୁ ସତେ ତୁ
ଆତ୍ମାର ପ୍ରଦୀପ ହୋଇ ।
*****
ପ୍ରଶାନ୍ତ କୁମାର ନାଥ
ସୁନ୍ଦରପୁର,ପ୍ରୀତିପୁର,ଯାଜପୁର