ବର୍ଷା ଧାରା
ବର୍ଷା ଧାରା
ବରଷି ଚାଲିଛ ଚାରି ଦିନ ହେବ କିଛି ତ ତାଳର ଛଂଦେ ।
ଖିଅଲୀ ମନରେ ବଦଳାଇ ତାଳ ଝରୁଚ ତ ଅବିରତେ ।।
ମନ ବୀଣାରେ ତୁମ ନିବେଦନର କେତେ ଯେ ମୂର୍ଛନା ।
ରିମ୍ ଝିମ୍ ତୁମ ସଂଗୀତ ଲହରୀ ଶୁଣିଲେ ପଡଇ ଜଣା ।।
ଧରା ବକ୍ଷେ ଲୋଟି ଯାଅ ଆତ୍ମ ସମର୍ପଣ ଭାବ ନେଇ ।
ପ୍ରସର।ଇ ବ।ହୁ ଆଲିଂଗନ ପାଶେ ସେ ବି ଧରେ ତୁମକୁ ଜଡ।ଇ ।।
କବି ଭାବୁ ଥାଏ ଶବ୍ଦ ଚତୁର୍ଯ୍ୟରେ କିପରି ବର୍ଣ୍ଣନ୍ତା ତୁମ ମିଳନର ଦୃଶ୍ୟକୁ ।
ଭାଷା ଫୁଲ ଦେଇ ସଜାଇ ଦିଆନ୍ତ। ଆଦ୍ର ବସ୍ତ୍ରାବୃତ। ତୁମ ଅନିନ୍ଦ୍ୟ ସୌନ୍ଦଯ୍ୟକୁ ।।
ବିଳମ୍ବିତ ରାତ୍ର ଦ୍ବିତୀୟ ପ୍ରହରେ ଯେବେ ଆସ ଅଚାନକ ମୃଦୁ ପଦକ୍ଷେପେ ।
ବିଜୁଳି ଅଲୋକେ ଝଲମଲ ଦିଶେ ତୁମ ମୁଖ ମଣ୍ଡଳର କାନ୍ତି ସତେ ।।
ଗବାକ୍ଷ ପାଖରେ ବସି ରାତି ସ।ରା ଯଦି କେ ଭାବୁକ ଚାହେଁ ଲୋଲୁପେ ତୁମକୁ ।
ଅପସରି ଯା’ନ୍ତି ନିଦ୍ରା ଦେବୀ ଅଭିମାନେ ତାର ଶଯ୍ୟା କକ୍ଷୁ ବାହାରକୁ ।।
ଶାନ୍ତିଲତା ମିଶ୍ର , ରଚେଷ୍ଟର , ମିନେସୋଟା