ମୋ ଜଗାରେ

"ମୋ ଜଗାରେ"

ପାପ ପୁଣ୍ୟ କିଛି ଜାଣିନିରେ ଜଗା

ତୋପାଖେ ରଖିଛି ମନ

ଦୀନହୀନ ମୁଁ ଯେ ପାପୀଟିଏ ବୋଲି

କରିବୁନି ହୀନିମାନ...

ମୋ ଜଗାରେ କରିବୁନି ହୀନିମାନ ।

 

ସୁଖରେ ହେଉକି ହେଉ ଅବା ଦୁଃଖେ

ଚାହିଁ ତୋ କଳାବଦନ

ତୋନାମ ସୁମରି ତୋ ଭଜନ ଗାଇ

କଟିଯାଉ ମୋର ଦିନ,

ପତିତପାବନ ନାମଟି ବୋହିଛୁ

ତାରୁଛୁ ପତିତଜନ

ଦୀନ ହୀନ ମୁଁ ଯେ ପାପୀଟିଏ ବୋଲି

କରିବୁନି ହୀନିମାନ । 

 

ମାଟିର ଦେହଯେ ମାଟିରେ ମିଶିବ

ରହିବନି ଏ ଜୀବନ

ଲୋଡାନାହିଁ ମୋର ଧନ ଅବା ଜନ

ଖୋଜୁନାହିଁ ସନମାନ,

ଚରଣେ ତୋହର ଶରଣ ଦେଇ ଦେ

କରୁଅଛି ନିବେଦନ

ଦୀନ ହୀନ ମୁଁ ଯେ ପାପୀଟିଏ ବୋଲି

କରିବୁନି ହୀନିମାନ... 

ମୋ ଜଗାରେ କରିବୁନି ହୀନିମାନ ।

 

ବୁନା ପାଢୀ, କଲ୍ୟାଣସିଂହପୁର, ରାୟଗଡା