ହେ ଫଗୁଣ ତୁମେ
ହେ ଫଗୁଣ ତୁମେ
1 min
370
ଫଗୁଣ ଆଣିଛି
ରଙ୍ଗର ପସରା
ରଙ୍ଗ ଫିକା ଲାଗେ ଆଜି
କେଉଁଠି ହଜିଲା
ରଙ୍ଗର ଅସ୍ତିତ୍ବ
ଫଗୁଣ ପାଉନି ଖୋଜି ll
ଅସରନ୍ତି ଆଶା
ହଜାରେ ସପନ
ତା ସାଥିରେ କେତେ ଭାବ
ଫଗୁଣ ପାଖରେ
ରଙ୍ଗ ଯଦି ନାହିଁ
ତୁମେ ଆସିଲେ କି ଲାଭ ll
ମନେ ମନେ ଖୋଜେ
ତୁମରି ପରଶ
ସତେ କି ପାରୁନ ଜାଣି
ହେ ଫଗୁଣ ତୁମେ
ଶୀଘ୍ର ଚାଲି ଆସ
ଦିଅ ସାତରଙ୍ଗ ବୁଣି ll
ମନରେ ଉତ୍ସାହ
ଭରିଦିଅ ତୁମେ
ତୁମର ରଙ୍ଗ ଯାଦୁରେ
ପୁଲକିତ ହେଉ
ଏ ବିଶ୍ୱ ଭୁବନ
ଦେଖ ହେ ହୃଦ ଚକ୍ଷୁରେ ll