ବିଶ୍ଵକର୍ମା ଭଗବାନ
ବିଶ୍ଵକର୍ମା ଭଗବାନ
1 min
7.0K
ଆମ ଧରମରେ ବିଶ୍ଵାସ ହିଁ ବଡ଼
ଏହି ବିଶ୍ଵାସକୁ ଧରି
କରୁ ଆମେ କେତେ ଦେବଦେବୀ ପୂଜା
ମନରେ ଭକତି ଭରି।
ବିଶ୍ଵାସ ଆମର ନିର୍ମାଣ ଠାକୁର
ବିଶ୍ବକର୍ମା ଭଗବାନ
ସବୁ ନିର୍ମାଣରେ ପ୍ରଭୁଙ୍କ କୁଆଡ଼େ
ରହିଥାଏ ଅବଦାନ।
ତେଣୁ ଯେତେ ଆମ କାରିଗର ଭାଇ
କରିଥାନ୍ତି ତାଙ୍କ ପୂଜା
କଳକାରଖାନା ସୁନ୍ଦର ଭାବରେ
ହୋଇଥାଏ ସାଜ ସଜ୍ଜା।
କିଂବଦନ୍ତୀ କହେ ସ୍ଵୟଂ ବିଶ୍ବକର୍ମା
ବଢ଼େଇ ବୁଢ଼ାଟେ ହୋଇ
ଗଢିଥିଲ କେ ଆମ ତିନି ଠାକୁରଙ୍କୁ
ଗୁଣ୍ଡିଚା ମନ୍ଦିରେ ରହି।
ଆସ ଆଜି ତାଙ୍କ ପୂଜା ଅବସରେ
କରିବା ଏତିକି ଅଳି
କାରିଗର କୁଳ ହୁଅନ୍ତୁ ସ୍ଵଚ୍ଛଳ
ଦିଅ ଆଶୀର୍ବାଦ ଢାଳି ।