ସ୍ମୃତି ଅତୀତର
ସ୍ମୃତି ଅତୀତର
ସମୁଦ୍ରର ସୁଦୂର ପ୍ରସାରୀ
ବିଶାଳତା ସାମ୍ନାରେ
ନିଛାଟିଆ ନିରୋଳାରେ
କେବେକେବେ
କେଜାଣି କାହିଁକି
ମନ ଟାଣି ହୋଇଯାଏ
ବର୍ତ୍ତମାନରୁ ଅତୀତକୁ
ଯେଉଁଠି ନିଜର
ସ୍ଥିତି ଓ ନିଜତ୍ୱ
ସବୁକିଛି
ହୋଇଯାଏ ତୁଚ୍ଛ ।
ଭଲ ଲାଗେ ସେତେବେଳେ
ହଜିବାକୁ ସେଇ
ଅତୀତ ସ୍ମୃତିରେ
ସତେ ଯେମିତି
ସବୁ ସୁଖ, ସ୍ଵପ୍ନ ,
ଆବେଗ ଆଉ ଆଶାକୁ
ଖୋଜୁଛି ମନ ସେଇ
ସମୁଦ୍ର ଲହଡିର
ଘୁ ଘୁ ଗର୍ଜନ ଭିତରେ ।
କାହିଁକି କେଜାଣି
ସେତେବେଳେ ମଜି ଯିବାକୁ
ଖୁବ୍ ଇଚ୍ଛା ହୁଏ
ସମୁଦ୍ରର ତରଙ୍ଗାୟିତ
ଲହଡି ମୀନଙ୍କ ସାଥେ ।
ନାଚିବାକୁ ମନ କହେ
ଦଲକା ଦଲକା
ସେଇ ଜଳଦ ଭରା
ଥଣ୍ଡା ପବନରେ ।
ପ୍ରଶାନ୍ତ କୁମାର ବେହେରା
ଅଧ୍ୟାପକ , ରାଜନୀତି ବିଜ୍ଞାନ ବିଭାଗ,
ସ୍ୱାମୀ ବିବେକାନନ୍ଦ ସ୍ମାରକ ସ୍ୱୟଂ ଶାସିତ ମହାବିଦ୍ୟାଳୟ,
ଜଗତସିଂହପୁର ।
ଦୂରଭାଷ - ୯୪୩୭୧୩୫୯୧୬