ବେସୁରା ଗୀତି-୭୧୩
ବେସୁରା ଗୀତି-୭୧୩
1 min
12.6K
ବର୍ଷା ଗୋ ତୁମେ ସାଥିରେ ଆଣିଛ
ବିରହୀ ଆଖିର ଲୁହ
କାହିଁକି କେଜାଣି କା ଦୁଃଖରେ ତୁମେ
ଝର ଝର ଝରି ଯାଅ ॥
ଆସିଛ ଯଦି ଗୋ ଶୁଣି ଯାଅ ଥରେ
ଆତ୍ମାର ବିଳାପ ଯେତେ
ମନେ ପକାଇବ ଆଗାମୀ ଦିନରେ
ଝରୁଥିବ ଯେବେ ମର୍ତ୍ତ୍ୟେ ॥
ତୁମରି ଲୁହରେ ଆଉ କାହା ଆଖି
ଲୁହ ଯଦି ମିଶିଥିବ
ମନେ ପଡୁଥିବ ତା କଥା ତୁମର
ଯେବେଳେ ବରଷୁ ଥିବ ॥
ଛୁଇଁ ପାରୁନାହିଁ କେ ଆଜି ତୁମକୁ
ଦେଇଛି ସେ କଥାଟିଏ
ସାରା ଜୀବନ ସେ ଲୁଚି ରହିଯିବ
ଜୁଇରେ ଜଳିବା ଯାଏ ॥
ତୁମେ କିନ୍ତୁ ତାକୁ ଭୁଲି ପାରିବନି
ଜାଣିଛି ମୁଁ ଏଇ କଥା
ଯେବେଳେ ତା କଥା ମନେ ପଡିଯିବ
ଭିଜିଯିବ ଆଖି ପତା ॥