Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Diptimayee Biswal

Inspirational

2  

Diptimayee Biswal

Inspirational

ପତ୍ର ଝଡିବାର ବେଳ

ପତ୍ର ଝଡିବାର ବେଳ

1 min
6.9K


ସମୟର ଶୀତ ଶୁଖେଇ ଦେଇଛି

ହାଡ଼ ଭିତରର ମଞ୍ଜ,

ଫଳ,ଫୁଲ ବି ଅଜ୍ଞାତବାସରେ ।

କାଉଟିଏ ବସିଲେ ବି

ମଡ଼ ମଡ଼ କରି ଭାଙ୍ଗି ଯାଉଚି ଡାଳ,

ଏବେ ତ ପତ୍ରଝଡାର ବେଳ ,

ବସନ୍ତ ଆସିବାକୁ ସମୟ ପଡିଛି ।

ବସନ୍ତ ସେ ଦେବଦୂତ,

ଯା' ପରଶରେ

ପ୍ରାଣ ପୁଲକିତ ହୁଏ,ପଲ୍ଲବିତ ହୁଏ ।

ହେଲେ ସେପାଇଁ ବି ଭାଗ୍ୟଟିଏ ଲୋଡା ।

ସମସ୍ତେ ତ ଶୁକପକ୍ଷୀ ନୁହଁନ୍ତି ଯେ

ଛାଡିଯିବେନି ହାତ,

ଖୋଜିବେନି ନୂଆ ଏକ ନୀଡ଼ର ଠିକଣା ।

ଭୟଭୀତ ହେବେନାହିଁ

ମୃତ୍ୟୁର ଅଭଙ୍ଗ ହସରେ ,

ବରଂ ଛାତି ପାତି ମାଗିନେବେ

ଶେଷ ଇଚ୍ଛା....

'ତରୁଟିର ପ୍ରାଣ ଅବା ସହମୃତ୍ୟୁ ।'

ପକ୍ଷୀ ଦୁଃଖେ ଦୁଃଖୀ, ସ୍ତବ୍ଧ ଦେବଦୂତ

ଢାଳିଦେବ ସଂଜୀବନି,

ପଲ୍ଲବିତ କରିଯିବ ମୂମୁର୍ଷୁ ପ୍ରାଣରେ !


ଧୀରେ ଧୀରେ ସରିଆସିଲାଣି ପତ୍ର,

ଥୁଣ୍ଟା ଦିଶିଲାଣି ଅବୟବ,

ମାଟି ବି ଛାଡିଦେଲାଣି ପାଦ

ଶୁକପକ୍ଷୀ ବସା ବାନ୍ଧିଲାଣି

କେଉଁ ଏକ ଅଜଣା ମୂଲକରେ ।

ଏବେ ଆଉ ଡରେଇ ପାରୁନି ଶୀତ,

କୁହୁଡି, କାକରରେ ଭିଜିଯାଉନି ଦେହ ।

ଶୁଖିଲା ପତ୍ର ଝଡିବା ଆଳରେ

କାହା ପାଦ ଶବ୍ଦ !

କାହା ଗତି ରୁନ୍ଧିଦେଉଛି ଶ୍ବାସ !

କାହା ତୀବ୍ରଗନ୍ଧରେ

ଜଳିଯାଉଛି ଦେହ ।

ବୋଧେ ଦେବଦୂତ ଆସିବାର ନାହିଁ ;

ବଦଳରେ ମୃତ୍ୟୁ ହିଁ ଆସୁଛି ।।


Rate this content
Log in