Audio

Forum

Read

Contests

Language


Write

Sign in
Wohoo!,
Dear user,
ତୁ ନାହୁଁ ବୋଲି
ତୁ ନାହୁଁ ବୋଲି
★★★★★

© Diptimayee Biswal

Others

1 Minutes   13.1K    7


Content Ranking

ତୁ ନାହୁଁ ବୋଲି ବଡ଼ ଦେଉଳରେ ପାରା ବି ଘୁମୁରୁ ନାଇଁ ।

ତୁ ନାହୁଁ ବୋଲି ରତନବେଦୀର କାନ୍ଦ ଶୁଭେ କଇଁ କଇଁ ।

ତୁ ନାହୁଁ ବୋଲି ଶରଧା ବାଲିରେ ପଡେନା କା' ପାଦଚିହ୍ନ ।

ତୁ ନାହୁଁ ବୋଲି ଆନନ୍ଦ ବଜାର କରିଛିରେ ଅଭିମାନ ।

ତୁ ନାହୁଁ ବୋଲି ବାଇଶି ପାହାଚ ଭୁଲିଛି ଜୀବନ ଗୀତ ।

ତୁ ନାହୁଁ ବୋଲି ଦରିଆ ଦୁହିତା ଝୁରେ ତା' ପରାଣ ମିତ ।

ତୁ ନାହୁଁ ବୋଲି ନୀଳଚକ୍ର ନେତ ଉଡିବା ଦେଇଛି ଛାଡି ।

ତୁ ନାହୁଁ ବୋଲି ଦେଉଳ ଦୂଆରେ ଶୁଭୁନାହିଁ ପଣ୍ଡା ରଡି ।

ତୁ ନାହୁଁ ବୋଲି ନାଟ ମଣ୍ଡପରେ ଶୁଭୁନି ନୂପୂର ଛନ୍ଦ ।

ତୁ ନାହୁଁ ବୋଲି ପବନେ ଭାସୁନି ଅଗୁରୁ କୁଙ୍କୁମ ଗନ୍ଧ ।

ତୁ ନାହୁଁ ବୋଲି ଶ୍ରୀ ମନ୍ଦିର ଶିରୀ ସତେ କି ଯାଇଛି ତୁଟି ।

ତୁ ନାହୁଁ ବୋଲି କାନ୍ଦୁଛି ଆକାଶ କାନ୍ଦେ ବଡ଼ଦାଣ୍ଡ ମାଟି ।

ତୁ ପ୍ରାଣ ପରାଣ ଜଗତ ଜୀବନ ନୀଳାଚଳ ନୀଳଜହ୍ନ ।

ଘଡି ଦି ଘଡିର ବିଚ୍ଛେଦରେ ତୋର ବିଷ ବିଷ ଏ ଜୀବନ ।



ପାରା ରତନବେଦୀ ଦରିଆ ଦୁହିତା

Rate the content


Originality
Flow
Language
Cover design

Comments

Post


Some text some message..