Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Diptimayee Biswal

Others

3  

Diptimayee Biswal

Others

ତୁ ନାହୁଁ ବୋଲି

ତୁ ନାହୁଁ ବୋଲି

1 min
13.1K


ତୁ ନାହୁଁ ବୋଲି ବଡ଼ ଦେଉଳରେ ପାରା ବି ଘୁମୁରୁ ନାଇଁ ।

ତୁ ନାହୁଁ ବୋଲି ରତନବେଦୀର କାନ୍ଦ ଶୁଭେ କଇଁ କଇଁ ।

ତୁ ନାହୁଁ ବୋଲି ଶରଧା ବାଲିରେ ପଡେନା କା' ପାଦଚିହ୍ନ ।

ତୁ ନାହୁଁ ବୋଲି ଆନନ୍ଦ ବଜାର କରିଛିରେ ଅଭିମାନ ।

ତୁ ନାହୁଁ ବୋଲି ବାଇଶି ପାହାଚ ଭୁଲିଛି ଜୀବନ ଗୀତ ।

ତୁ ନାହୁଁ ବୋଲି ଦରିଆ ଦୁହିତା ଝୁରେ ତା' ପରାଣ ମିତ ।

ତୁ ନାହୁଁ ବୋଲି ନୀଳଚକ୍ର ନେତ ଉଡିବା ଦେଇଛି ଛାଡି ।

ତୁ ନାହୁଁ ବୋଲି ଦେଉଳ ଦୂଆରେ ଶୁଭୁନାହିଁ ପଣ୍ଡା ରଡି ।

ତୁ ନାହୁଁ ବୋଲି ନାଟ ମଣ୍ଡପରେ ଶୁଭୁନି ନୂପୂର ଛନ୍ଦ ।

ତୁ ନାହୁଁ ବୋଲି ପବନେ ଭାସୁନି ଅଗୁରୁ କୁଙ୍କୁମ ଗନ୍ଧ ।

ତୁ ନାହୁଁ ବୋଲି ଶ୍ରୀ ମନ୍ଦିର ଶିରୀ ସତେ କି ଯାଇଛି ତୁଟି ।

ତୁ ନାହୁଁ ବୋଲି କାନ୍ଦୁଛି ଆକାଶ କାନ୍ଦେ ବଡ଼ଦାଣ୍ଡ ମାଟି ।

ତୁ ପ୍ରାଣ ପରାଣ ଜଗତ ଜୀବନ ନୀଳାଚଳ ନୀଳଜହ୍ନ ।

ଘଡି ଦି ଘଡିର ବିଚ୍ଛେଦରେ ତୋର ବିଷ ବିଷ ଏ ଜୀବନ ।




Rate this content
Log in