ଜୀବନର ସତ୍ୟ

ଜୀବନର ସତ୍ୟ

ଜୀବନର ସତ୍ୟ ବୁଝିବା ବେଳକୁ

ସବୁ ଯାଇଥାଏ ସରି,

ନିଶ୍ୱାସକୁ କେବେ ବିଶ୍ୱାସ କରନି

ସୁକର୍ମ ଯାଅ କରି l

ଗୁଣକୁ ସୁମରି କାନ୍ଦନ୍ତି ସଭିଏଁ

ରହିଯାଏ ଖାଲି ନାଁ,

ସୁନ୍ଦର ଶରୀର ପାଉଁଶ ଯେ ହୁଏ

ଆକାଶେ ଛାଡ଼ିଣ ଧୂଆଁ l

ରୂପ ଧନ ପାଇଁ ଗର୍ବ ଅହଂକାର

ନିମିଷେ ମିଳେଇ ଯାଏ,

ସଂସାରର ମାୟା ବନ୍ଧନ ଜାଲରେ

ମିଛଟାରେ ଘାଣ୍ଟି ହୁଏ l

ଜନମ ହୋଇଲେ ଏହି ସଂସାରରେ

ମରଣ ହେବ ନିଶ୍ଚିତ,

ଜ୍ଞାତି, ବନ୍ଧୁ ଏଠି ରୋଦନ କରିବେ

ଜୀବନର ଏହା ସତ୍ୟ l

ମାସ ପରେ ବର୍ଷ ବିତିଗଲା ପରେ

ସମସ୍ତେ ଯାଆନ୍ତି ଭୁଲି,

ଅତି ନିଜର ଯେ ଭୁଲି ନ ପାରନ୍ତି

ଗୁମୁରି କାନ୍ଦନ୍ତି ଖାଲି l

କେହି ରହିନାହିଁ ରହିବେ ନାହିଁଟି

ଏହି ମର୍ତ୍ୟ ମଣ୍ଡଳେ,

ଅଭିନୟ ସାରି ସବୁ ବାହୁଡ଼ିବେ

ସୁନ୍ଦର ସୃଷ୍ଟିର କୋଳେ l

ସୁକାନ୍ତି ହୋତା

7008819476