ତୁମେ ଗଲାପରେ
ତୁମେ ଗଲାପରେ
ମାଗି ନଥିଲି ମୁଁ ପାରିଜାତ ଫୁଲ
ମାଗିଥିଲି ଟିକେ ପ୍ରେମ
ପ୍ରେମ ବଦଳରେ କାହିଁ ଦେଲ ଆଣି
ମୋତେ ମିଛେ ବଦନାମ ।
ମମତା ଡୋରୀରେ ବାନ୍ଧି ରଖିବାକୁ
କରିଥିଲି ଅନୁରୋଧ
ହେଲେ ଦେଲ ମୋତେ ଅସହ୍ୟ ଯନ୍ତ୍ରଣା
କଳଙ୍କର ଅପବାଦ ।
ସେନେହ ଶରଧା ପ୍ରୀତି ଓ ପରଶ
କରିଥିଲି ମୁହିଁ ଅଳି
ହେଲ ଦେଇ ମୋତେ ମିଛ ଆଶ୍ୱାସନା
ଶୁଣେଇଲ ନାନା ଗାଳି ।
ସାଥିଟିଏ ହୋଇ ରହିବା ପାଇଁକି
ଚାହିଁଥିଲି ତୁମ ହାତ
ଅଥଳ ସମୁଦ୍ରେ ଛାଡି ଚାଲିଗଲ
ପାଉନାହିଁ ଆଉ କାତ ।
କେମିତି ବାହିବି ଜୀବନ ନାଆକୁ
ଏକା ଏକା ଜୀବନରେ
ଜୀବନ ମରଣ ସବୁ ମୋ ସମାନ
ତୁମେ ଛାଡି ଗଲା ପରେ ।