କଲମଟିଏ ମୁଁ କଲମଟିଏ

ମଣିଷ ହାତର କଣ୍ଢେଇଟିଏ ମୁଁ

ସତମିଛ ଲେଖୁଥାଏ

ସମ୍ପର୍କକୁ ଭାଙ୍ଗି ସମ୍ପର୍କକୁ ଗଢ଼ି

ମନର ବେଦନା କାଳିରେ ଧରି

ଅବିଶ୍ରାନ୍ତ ଚାଲୁଥାଏ l

କଲମ ଟିଏ ମୁଁ କଲମ ଟିଏ..........

ପିଲା ଠାରୁ ବୁଢ଼ା ସଭିଙ୍କ ପାଖରେ

ଅତି ଆଦରରେ ଥାଏ

ସୃଷ୍ଟିର ରଚନା ସୃଷ୍ଟିର ସର୍ଜନା

ଭାବନା କଳ୍ପନା ସତ୍ୟ ଘଟଣା

ମୋ ମୁନରେ ଲେଖା ହୁଏ l

କଲମଟିଏ ମୁଁ କଲମଟିଏ.........

ଖଣ୍ଡାଠାରୁ ବି ଅତି ଶକ୍ତିଶାଳୀ

ମନ ମୋର କିଛି ନାହିଁ

ଜ୍ଞାନୀ ଅଜ୍ଞାନୀ ସଭିଙ୍କ ରାଣୀ

ସଭିଙ୍କ ହୃଦୟେ ଥାଏ

ସଭିଙ୍କର ପୂଜା ପାଏ l

କଲମ ଟିଏ ମୁଁ କଲମ ଟିଏ.........

ଯା ପାଶେ ରୁହେ ତା କଥା ମାନି

ତା ହାତେ ନାଚୁଥାଏ

ପ୍ରେମ ଆଉ ପ୍ରତାରଣା କଥା

ନିତିନିତି ଲେଖୁଥାଏ

ହସୁଥାଏ କାନ୍ଦୁଥାଏ l

କଲମଟିଏ ମୁଁ କଲମଟିଏ l

ଜାତିଧର୍ମ ମୁଁ ମାନେ ନାହିଁ ଜମା

ରଙ୍ଗବେରଙ୍ଗ ମୋ ଦେହଟିଏ

କାଗଜକୁ ଦେଖି କୁରୁଳି ଉଠି

ବନ୍ଧୁ ପ୍ରେମରେ ବାନ୍ଧି ହୁଏ

ଚିର ସାଥିହୋଇ ରହିଥାଏ l

କଲମ ଟିଏ ମୁଁ କଲମ ଟିଏ............