ହାଏରେ ମୋ’ ପାୱାର ଚଷମା -୮
ହାଏରେ ମୋ’ ପାୱାର ଚଷମା -୮
1 min
6.8K
ସକାଳ ପହରୁ ପଡ଼େ କାକର,
ଭଲ ଲାଗେ ଖାଲି ଘର ଭିତର,
ରହିଥାଏ ଖାଲି ସାଲଟେ ଘୋଡ଼ି,
ମନେ ପଡ଼ୁଥାଏ ଗରମ ମୁଢି ।
ଚାହା ପିଇବାକୁ ମନ ଯେ ବାଇ,
ଚାହାର ପ୍ରସ୍ତୁତି କରିବା ପାଇଁ,
ରୋଷ ଘରେ ମୁଁ ଯେ ହେଲି ପ୍ରବେଶ
ଚାହାପତ୍ତି ସେ ଯେ କେଡ଼େ ସୁବାସ ।
ଶିତୁଆ ସକାଳ ନିସ୍ତେଜ ମନ,
ଚାହା ପିଇବାକୁ ଏଣେ ଉଚ୍ଚ୍ହନ୍ନ,
ଚାହା କପଟିକୁ ଧରି କନାରେ,
ଚାହା ଡେକଚିକୁ ଖାଲି ହାତରେ !
କାହିଁରେ ଯୌବନ ହେଲୁ ଉଭାନ,
ତୋତେ ଝୁରେ ଆଜି ଏ ବୁଢା ମନ,
ଦିଶେ ନାହିଁ ଭଲ ବୟସ ଦୋଷ,
କାହା ଉପରେ ମୁଁ କରିବି ରୋଷ ।
ମୁନ୍ନା ମହାପାତ୍ର, ଗୁଣପୁର