ବୁଲାକୁକୁର
ବୁଲାକୁକୁର
1 min
124
ଧୁ ଧୁ ଟାଣ ଖରାବେଳରେ,
କୁକୁରଟି ଥିଲା ତାଟି ବାହାରେ ।
ଖୋଲିଦେଲେ ଅଜା ତାଟିକୁ ଆସି,
ଭିତରକୁ ସିଏ ଆସିଲା ପଶି ।
ପିଣ୍ଡାକଡେ ଆସି ବସିଲା ସିଏ,
ସଁ ସଁ ହୋଇ ଧକଉଥାଏ ।
ଅଜା ଦେଲେ ପାଣି ସଢେଇ ଭର୍ତ୍ତି,
କୁକୁରଟି ପିଇ ହୋଇଲା ଶାନ୍ତି ।
"କାହିଁକି ଦେଉଛ" ନାତିର ପ୍ରଶ୍ନ,
ଅଜା ବୁଝେଇଲେ କରି ଯତନ ।
"ଆମ ପରି ଏକ ଜୀବଟି ସିଏ,
ସଭିଙ୍କ ଦାଣ୍ଡରେ ଜୀବନ ଜୀଏଁ ।
ଆମ ପାଶେ ଅଛି ସୁନ୍ଦର ଘର,
ଗୄହହୀନ ସିଏ ବୁଲାକୁକୁର ।
କ୍ଷୁଧା ତୃଷ୍ଣା ସବୁ ଦେହେ ତା ଅଛି,
ସେନେହ ଆଦର ସବୁ ଜାଣିଛି ।"
ଲାଞ୍ଜଟି କୁକୁର ହଲେଇ ଦେଲା,
ଅଜା ଗୋଡେ ଆସି ମୁଣ୍ଡ ଘଷିିଲା ।
ଅଜା ଆଉଁସିଲେ ମୁଣ୍ଡ ତାହାର,
ନାତି ଦେଖୁଥିଲା ସ୍ନେହ ଆଦର ।