ପୌଢ଼ା ପ୍ରେମିକା
ପୌଢ଼ା ପ୍ରେମିକା
1 min
7.1K
ଖାସ୍ ତୁମରି ପାଇଁ
ଭୋର ଜହ୍ନର ନରମ ହାତରେ
ରୁପା କଲମଟିଏ
ଏ ତ ନୁହେଁ,
ଫ୍ରକ ପିନ୍ଧା ଝିଅର ଅସଜଡ଼ା ପ୍ରେମ
ଯାହା ସ୍ବରରେ ତ୍ରସ୍ତ ସମ୍ବେଦନା
ଏ ବି ନୁହେଁ,
ଯୌବନର ସୁଗନ୍ଧିତ କାବ୍ୟରସ
ଚୋରାପ୍ରେମର ଚାପା ହସ
ଏ---
ବିଶ୍ୱାବସୁର ଅନାବିଳ ପ୍ରେମ
ନିଶିଗନ୍ଧାର ମୃଦୁ ସୌରଭ
ହଡାଵଳଦର ଅଲୋଡା ଜୀବନେ
ତୁମେ ହିଁ ତ
ଅଣଲେଉଟା ସୂର୍ଯ୍ୟଦୋୟ
ଥାଇପାରନ୍ତି ଆଜି ତୁମ
ମନ୍ଦିର ବେଢାରେ ଅନେକ ପ୍ରଜାପତି
ତୁମ ଗହଗହ ପରିବେଶେ
ହେଇଥାଇପାରେ--
ମୁଁ ପଢ଼ା ସରିଥିବା ଖବର କାଗଜ ଖଣ୍ଡିଏ
ହେଲେ ତୁମେ ଦେଖିପାରୁନ
ଠୁଙ୍ଗାରେ କେତେଯେ ଭର୍ତ୍ତି
ସବୁଜ ଵଣର ମୃଦୁ ଜଣାଣ।
-ସସ୍ମିତା ସାହୁ