ଯୋଗଟି ଇମିତି ଅମୂଲ୍ୟ ସମ୍ପଦ
ଯୋଗଟି ଇମିତି ଅମୂଲ୍ୟ ସମ୍ପଦ
ଯୋଗଟି ଇମିତି ଅମୂଲ୍ୟ ସମ୍ପଦ
ପର୍ଶୁରାମ ବିଶ୍ୱାଳ
ନନ୍ଦିଘୋଷେ ଥାଇ କହୁଚି କହ୍ନେଇ ଆରେ ମୋ ଓଡ଼ିଆ ପୁଅ
ଡାକ୍ତରୀ ଔଷଧ ଛାଡ଼ିଦେଇ ଧନ ଚେରମୂଳୀ ଆଶ୍ରା ନିଅ
ସକାଳ-ସଞ୍ଜରେ ନିତି କର ଯୋଗ
ଭଲ ରହିବ ତୋ ଦିହ ।
ଚରକ, ଶୁଶ୍ରୁତ କିଏ କେତେ ଲେଖିଚନ୍ତି ଚେରମୂଳୀ କଥା
କୋଉ ରୋଗ ଭଲ ନହବ ସେଥିରେ, ତେବେ କିଆଁ ତୋର ଚିନ୍ତା
ଡାକ୍ତରୀ ଔଷଧ ଖାଇ ନୂଆ ରୋଗ
କିଣୁଛୁ କାହିଁକି କହ ?
ପୁଦିନା ଯେ ଆମ୍ବ, ରସୁଣ, ପିଆଜ କେତେ କେତେ ଗଛଲତା
ଔଷଧୀୟ ଗୁଣ ଭରି ରହିଅଛି ତୋ ବାଡ଼ିଘରେ ସାଇତା
ତା’ର ଉପଯୋଗ କରି ତୁ ପାରିଲେ
ନାହିଁ ବୃଥା ଖର୍ଚ୍ଚ ଭୟ ।
ଦଅଶ ଜାଗାରେ ଦଶହଜାର ତୁ ଖରଚ କରୁଚୁ ଧନ
ସେକଥା ହବନି ଯଦି ତୁ ପାଇବୁ ଦେଶୀ ଔଷଧର ଜ୍ଞାନ
ତୁ ଭଲେ ରହିବୁ, ରାଇଜ ମଙ୍ଗଳ
ହବନାହିଁ ଅପବ୍ୟୟ ।
ଯୋଗଟି ଇମିତି ଅମୂଲ୍ୟ ସମ୍ପଦ, ତାକୁ ତୁ କଲେ ନିଜର
ବିନା ପଇସାରେ ଭଲ ହବ ରୋଗ, ଇଏ ବଡ଼ ଚମତ୍କାର
ସ୍ୱାସ୍ଥ୍ୟ ହିଁ ସମ୍ପଦ ଭାବନା ଗୋଟିକୁ
ଭୁଲିବୁନି ଜମା ପୁଅ ।
ଗ୍ରା.-ମିତ୍ରସେନପୁର, ପୋ.ଅ.-ଗମୁଁ
ଭା.-ଇନ୍ଦୁପୁର, ଜି.-ଯାଜପୁର, ପିନ୍-୭୫୪୨୧୪
ଫୋନ୍-୯୮୫୩୭୫୯୭୦୦
*****