Audio

Forum

Read

Contests

Language


Write

Sign in
Wohoo!,
Dear user,
ବନ୍ଦନ
ବନ୍ଦନ
★★★★★

© Bauribandhu Lenka

Others

1 Minutes   1.2K    6


Content Ranking

ନନ୍ଦନ ବନର ଚନ୍ଦନରେ ତୁମ

ବନ୍ଦନ କରନ୍ତି ମୁହିଁ

କୁନ୍ଦ ଫୁଲ ମନ୍ଦ ସୁଗନ୍ଧରେ ତୁମ

ମନ ମୁଁ ନିଅନ୍ତି ମୋହି ॥ ୦ ॥

ତୁଳସୀ ମାଳରେ ତୁଳସୀ ଚୂଳରେ

ଶ୍ରୀଅଙ୍ଗ ଭୂଷିତ କରି

ଖଣ୍ତୁଆ ପାଟ ମୁଁ ପିନ୍ଧାଇ ଦିଅନ୍ତି

ବାନ୍ଧି ରେଶମର ଡୋରି

ସକାଳ ଖେଚୁଡି ଖୁଆଇ ଦିଅନ୍ତି

ତୁମକୁ ପେଟ ପୁରାଇ

ନନ୍ଦନ ବନର ଚନ୍ଦନରେ ତୁମ

ବନ୍ଦନ କରନ୍ତି ମୁହିଁ ॥ ୧ ॥

ଲଲାଟ ପଟଳେ ଲଗାଇ ଦିଅନ୍ତି

ଇନ୍ଦୀବର କାନ୍ତି ମଣି

କର୍ଣ୍ଣରେ କୁଣ୍ଡଳ ନାକେ ନାକୁଆସି

ପିନ୍ଧାଇ ଦିଅନ୍ତି ଆଣି

ରତନ ପଲଙ୍କେ ଶୁଆଇ ଦିଅନ୍ତି

ଶ୍ରୀଗୀତଗୋବିନ୍ଦ ଗାଇ

ନନ୍ଦନ ବନର ଚନ୍ଦନରେ ତୁମ

ବନ୍ଦନ କରନ୍ତି ମୁହିଁ ॥ ୨ ॥

ସିନ୍ଧୁ ରାଜଜେମା ହୃଦ ମନ ଲୋଭା

ତୁମ ସେ ବାଙ୍କ ଚାହାଣି

ରଙ୍ଗା ଅଧରରେ ମନ୍ଦହାସ ତୁମ

କୋଟି ମନ ନିଏ କିଣି

ସେ ବାଙ୍କ ଚାହାଣି ସେ ମନ୍ଦ ହାସରେ

ଯାଆନ୍ତି କି ଲୀନ ହୋଇ

ନନ୍ଦନ ବନର ଚନ୍ଦନରେ ତୁମ

ବନ୍ଦନ କରନ୍ତି ମୁହିଁ ॥ ୩ ॥

ତୁମେ ଜଗତ୍‌କର୍ତ୍ତା ଜଗତ ନିୟନ୍ତା

ଜଗତ ମଉଡମଣି

ଝରୁଥାଉ ତୁମ ଆଶିଷର ଧାରା

ହସୁଥାଉ ଏ ଧରଣୀ

ଦିନ ମୋର ସରିଯାଆନ୍ତା କି ପ୍ରଭୁ

ତୁମ ନାମ ଗାଇ ଗାଇ

ନନ୍ଦନ ବନର ଚନ୍ଦନରେ ତୁମ

ବନ୍ଦନ କରନ୍ତି ମୁହିଁ ॥ ୪ ॥

********

ଚନ୍ଦନ ବନ୍ଦନ ତୁମ

Rate the content


Originality
Flow
Language
Cover design

Comments

Post


Some text some message..