ବନ୍ଦେ ଭାରତ ଜନନୀ
ବନ୍ଦେ ଭାରତ ଜନନୀ
କାଶ୍ମୀର ଭାରତ ମାତାର ଶିରରେ ଶୋହେ ମୁକୁଟ ପୂର୍ବୋତ୍ତର ସୋନି ସପତ
ଭଗିନୀ ବେଣୀ ପରି ସୁଲମ୍ବିତ ।
ପଂଜାବ ଯାହାର ସମୁନ୍ନତ ଶିର ଦିଲ୍ ଧରିଛି ଦିଲ୍ଲୀ
ହରିୟାନା ଠାରୁ ଆନ୍ଧ୍ର ପରିଯନ୍ତେ ପଣତ ଯା ହରିୟାଲି ।
ଉତ୍ତର ପ୍ରଦେଶ ପ୍ରଶସ୍ତ ଯା ବକ୍ଷ ହିମାଚଳ ମଥାମଣି
ଉତ୍ତରାଂଚଳର ତୀକ୍ଷ୍ଣ ଜଳ ଧାର ନାସିକା ର ଭ୍ରମ ଜାଣି ।
ରାଣା ପ୍ରତାପର ଭୂମି ରାଜସ୍ଥାନ ବାଜୁବଂଧ ବିରାଜଇ
ମଧ୍ୟ ପ୍ରଦେଶ ଯା କଟିର କିଂକିଣୀ ରୁଣୁ ଝୁଣୁ ବାଜୁଥାଇ ।
ନେତାଜୀ ପଟେଲ ପରି ବାହୁ ଦୁଇ ବଂଗାଲ ଗୁଜୁରାଟ
ଝାଡଖଣ୍ଡ ତଥା ଓଡିଶା ଖଣିରେ ଭରା ପୂର୍ଣଗର୍ଭା ମାତ ।
ନାରିକେଳ ଭରା କେରଳ ନୂପୁର ନିକ୍ୱଣ ପଦେ ମାତାର
କନ୍ୟାକୁମାରୀରେ କୋମଳ ଚରଣ ପ୍ରକ୍ଷାଳେ ମହାସାଗର ।
ଶୀବାଜୀ ରାଇଜୁ ବୀରତାର ବାଣୀ କର୍ଣାଟକେ ଝଂକାରେ
ମୈଶୁର ବୀର ଟିପୁ ସୁଲତାନ ନିଜାମ ତେଲେଂଗାନାରେ ।
ଧରମାଶୋକର ବିହାର୍ 'ସତ୍ୟମେବ ଜୟତେ' ଯେଉଁଠି ଲେଖା
ତାଂଜାଭୁର କରେ ତାମିଲନାଡୁର ଦ୍ରାବିଡ ସଭ୍ୟତା ବାଖ୍ୟା ।
ଶ୍ରୀଶଂକର ଗଢା ଚାରିଧାମ କାଶୀ ରାମେଶ୍ବର ବଦ୍ରିନାଥ
ଶ୍ରୀପୁରୁଷୋତ୍ତମ ମହକେ ବିଶ୍ଵରେ ବିଜେ ଯହିଁ ଜଗନ୍ନାଥ ।
ଯେଉଁ ଦେଶ ଦାନ ବିଶ୍ଵ ସଭ୍ୟତାକୁ ଶୁନ ଠାରୁ ଯେତେ ସଂଖ୍ଯା
ବୀଜଗଣିତର ଗହନ ବ୍ୟାପାର ଭାରତୀୟ ଶିରେ ଆଖ୍ୟା ।
ମହେଂଜୋଦାରୋର ପ୍ରାଚୀନ ସଭ୍ୟତା ହିମାଳୟ ଯାର ମାନ
ବେଦୋପନିଷଦ ବାଣୀ ଝଂକୃତ 'ସର୍ବେ ଭବନ୍ତୁ ସୁଖିନ' ।
ଗୋ ଗଂଗା ଗାୟତ୍ରୀ ମାତା ଜ୍ଞାନ ଯହିଁ ପୂଜା ଦେଶ ମାତୃକାର
'ବଂଦେ ମାତରମ୍' ଗାଇବା ତ୍ରିରଂଗା ତଳେ ହୋଇ ନତଶିର ।
-ବିଶ୍ଵେଶ୍ୱର ମାଝୀ-
9437697161
majhibisweswar@gmail.com