ଭବରଙ୍ଗ-୨

ରଙ୍ଗମଞ୍ଚ ଘର 

ବହୁ କଳାକାର

ଗଢନ୍ତି ସ୍ଵପ୍ନର ଘର

ନିଜ ପରିଚୟ

କରିଦେଇ କ୍ଷୟ

ବଦଳାନ୍ତି ବାରବାର।

ଏ ଭବସାଗର

ସେହିପରି ଦ୍ଵାର

ବଦଳାଏ ଭିନ୍ନ ମୋଡ,

କାହାକୁ ନାୟକ

କାହାକୁ ଚିନ୍ତୁକ

କରିଦେଇପାରେ ଜଡ।

ମାନବ ସମାଜ

ହୋଇଛନ୍ତି ସଜ

ବନିଛନ୍ତି କଳାକାର ,

ନିଜର ଚରିତ୍ର

ହୁଏ ରିପୁ ମିତ୍ର

ବୁଡି ଯାଉଛି ସଂସାର।

ବାସ୍ତବ ମାନବ

ଯା ଠାରେ ସମ୍ଭବ

ଆମରି ଉନ୍ନତି ଖ୍ୟାତି , 

ସେ ଆମରି ମାତା        

ସେ ଜଗତଜିତା               

ଲୋଡା ତା ଆଶିଷ ଶକ୍ତି। 

ମହି ଭବରଙ୍ଗ            

କରଇ ତରଙ୍ଗ               

ଦେଉଥାଏ ସେ ସୁଯୋଗ, 

କରଛଡା ହୁଏ           

କେବେ ଚାଲିଯାଏ               

କେବେ ଆସିଯାଏ ଯୋଗ।   

ମହେଶ୍ବର ବେହେରା