ରହିଛି ଆମ ହାତେ
ରହିଛି ଆମ ହାତେ
ରଶ୍ମୀ ରଞ୍ଜନ ସାହୁ
ଭାବରେ ପିଲେ ମନରେ ତୁମେ
ପ୍ରାଚୀନ କାଳ କଥା,
ସେତେବେଳର କେଉଁ ଯନ୍ତ୍ରରେ
ପଠାଉ ଥିଲେ ବାର୍ତ୍ତା ?
ଯାଉତ ଥିଲେ ଦଉଡି କରି
ଅବା ପାଦରେ ଚାଲି,
ବାର୍ତ୍ତା ଦେବାକୁ ଦୂର ବାଟକୁ
ଘୋଡା ଉପରେ ଚଢି l
ପଠାଉଥିଲେ ପାରା ଦ୍ଵାରାଟି
ଅନ୍ୟ ପାଖକୁ ଚିଠି,
ଚିଠି ପାଇଲେ ଦେଉ ଥିଲେଟି
ତା’କୁ ଚାଉଳ ମୁଠି l
ହୋଇଲା ଯେବେ ଡାକ ବ୍ୟବସ୍ଥା
ସବୁ ଲୋକଙ୍କ ପାଇଁ,
ଦୂରେ ଥାଇବି ଖୁସି ହୋଇଲେ
ଘରୁ ଚିଠିଟି ପାଇ l
ତା’ପର ଯୁଗ ଟେଲିଫୋନର
ପରେ ତା’ ମୋବାଇଲ,
ଯେଉଁଠି ଥିଲେ ବାର୍ତ୍ତା ପାଇବା
ନୁହେଁଟି ମୁସ୍ କିଲ୍ l
ହେଲାଣି ଏବେ ଭିଡିଓ କଲ୍
ଦୂରକୁ କରେ ପାଖ,
ଟେଲିଭିଜନ ରେଡିଓ କହେ
ସମ୍ବାଦ-ସୁଖ/ଦୁଃଖ l
ଆମରି ଯୋଗାଯୋଗ ବ୍ୟବସ୍ଥା
ଆଗେଇଲାଣି କେତେ,
ଲାଗେ ଯେମିତି ସାରା ପୃଥିବୀ
ରହିଛି ଆମ ହାତେ l