ପ୍ରେମିକା

ଭାବିଲି ଦିନେ ମୁଁ କବିତା ଲେଖୁଛି

ନିଇତି ପ୍ରେମିକା ନାଁ'ରେ

ଜାଣିନାହିଁ ସିଏ କେଉଁଠି ରହୁଛି

ଘର ତା'ର କେଉଁ ଗାଁ'ରେ ।

କାହାକୁ ନେଇ ମୁଁ କବିତା ଲେଖୁଛି

କିଏସେ ପ୍ରେମିକା ମୋର

ଯାହାର ରୂପକୁ ବର୍ଣ୍ଣନା କରୁଛି

କେଉଁଠି ତାହାର ଘର ।

ପଚାରିଲି ଯେବେ ଏକଥା ମନକୁ

ପାଇଲି ଗୋଟେ ଉତ୍ତର

ଯାହା କଥା ଭାବି ଲେଖୁ ତୁ କବିତା

ସେପରା ପ୍ରେମିକା ତୋର ।

ଭାବିଲି ପାହାଡ଼ ଝରଣା ପର୍ବତ

ଆକାଶର ତାରା ଜହ୍ନ

ଫୁଲ ବନ ଆଉ ଫଗୁଣ ଶ୍ରାବଣ

ସମସ୍ତେ କିଣନ୍ତି ମନ ।

ଜହ୍ନ ଦେଉଅଛି ଶୀତଳ ପରଶ

ବରଷା ଭିଜାଏ ଦେହ

ଫଗୁଣର ରଙ୍ଗ ଲାଗିଗଲେ ଦେହେ

ଘାରୁଛି ପ୍ରେମର ମୋହ ।

ଏମାନେକି ସତେ ପ୍ରେମିକା ମୋହର

ମନରେ ତୋଳନ୍ତି ଘର

କବି ପାଇଁ କାଳେ ସମସ୍ତେ ପ୍ରେମିକା

ମିଳିଲା ମୋତେ ଉତ୍ତର ।