ଫୋନି ଆସିଥିଲା
ଫୋନି ଆସିଥିଲା
1 min
160
ଫୋନି ଆସିଥିଲା କିଛି କ୍ଷଣ ପାଇଁ
ଅଭୁଲା ସ୍ମୃତିଟେ ହୋଇ
ଯାହା ଘଟାଇଲା ଓଡିଶା ମାଟିରେ
ଭୁଲି ପାରିବେନି କେହି ।
ଭାଙ୍ଗିରୁଜି ସବୁ ଛାରଖାର କଲା
ଗଛ ବୃକ୍ଷ ଘର ଦ୍ୱାର
ଗଲା ପରେ ଆଜି ସାରା ରାଇଜଟା
କରେ ଆଜି ହାହାକାର ।
ହଷ୍ଟେଲ ଇସ୍କୁଲ ହସ୍ପିଟାଲେ ପଶି
କରିଦେଲା ସବୁ ନଷ୍ଟ
ସେ ଏକା ଜାଣିଛି ଯିଏସେ ଭୋଗିଛି
ଏମିତି ଦାରୁଣ କଷ୍ଟ ।
ନଷ୍ଟ କରିଦେଲା ଖାତା ଖତିଆନ
ବର୍ଷାରେ ଭିଜେଇ ଦେଲା
ପବନେ ଉଡେଇ ସବୁକିଛି ସିଏ
ଏଠି ସେଠି ଫିଙ୍ଗିଦେଲା ।
ସଭିଙ୍କ ମୁହଁରେ ଗୋଟେ କଥା ଏବେ
ପାପ ଭାର ବଢିଗଲା
ସେହି କଥା ଥରେ ଚେତେଇ ଦେବାକୁ
ଫୋନି ରୂପେ ଆସିଥିଲା ।