Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Jyotiranjan barik

Others

3  

Jyotiranjan barik

Others

ସ୍ମୃତି ସବୁ ଗଲେ କୁଆଡେ

ସ୍ମୃତି ସବୁ ଗଲେ କୁଆଡେ

1 min
436


● ସ୍ମୃତି ସବୁ ଗଲେ କୁଆଡେ

●ଜ୍ୟୋତିରଞ୍ଜନ ବାରିକ

କେବେ ଯଦି ଇଛା ହୁଏ

ଫେରି ଯାଏ ଅତୀତକୁ ,

ଖୋଜି ବୁଲେ ହଜେଇ ଦେଇଥିବା ସ୍ମୃତି ସବୁ ,

ଏଠି , ସେଠି , ସବୁଠି

ହଉ ସିଏ ଚନ୍ଦ୍ରଭାଗା ର ଛାତି ,

ନହେଲେ ଭଗ୍ନ କୋଣାର୍କ ର ଶିଳା ଖଣ୍ଡ ,

ଅବା ରାମଚଣ୍ଡୀଙ୍କ ପୀଠ ,

କୋଉଠି ବି ପାଏନା ,

ଭାବେ ସ୍ମୃତି ସବୁ ଗଲେ କୁଆଡେ ?


ଚନ୍ଦ୍ରଭାଗାର ଛାତିରେ ତନ୍ନ ତନ୍ନ କରି ଖୋଜି ବୁଲେ

ସମୁଦ୍ରକୁ ସାକ୍ଷୀରଖି ଗଢିଥିବା ବାଲିଘର,

ଆଉ ପାଗଳଙ୍କ ପରି ଖୋଜେ ପ୍ରେମିକାର ପାଦ ଚିହ୍ନ ,

ନା ମିଳେ ବାଲିଘର , ନା ପାଦଚିହ୍ନ ?

ମିଳେ ଖାଲି ଅତୀତର ହାଲ୍କା ଅନୁଭବ ଓ

ଖରା ଖାଇ ପଡିରହିଥିବା ମୁଠା ମୁଠା ଉତ୍ତପ୍ତ ବାଲି ।


ନିରାଶ ହେଇ ଫେରିବା ପରେ

ଛୋଟ ଆଶା ନେଇ ଚାଲିଯାଏ ,

ଭଗ୍ନ କୋଣାର୍କର ଶିଳା ଖଣ୍ଡ ପାଖକୁ

ଖୋଜେ ଅତୀତରେ ଲେଖିଥିବା ପ୍ରେମିକାର ନାଁ କୁ

ବାହାରକୁ ଅଳ୍ପ ଥାଇ ମାଟିରେ ପୋତି ହେଇଯାଇଥିବା

ସେ ଶିଳା ଖଣ୍ଡର ଦେହରେ ,

ତାକୁ ବି ପାଏନା ,

ବୋଧେ ସେ ବର୍ଷାରେ ଧୋଇ ହେଇ ଯାଇଥାଏ

ନହେଲେ କେହି ଇର୍ଷା କରି ଲିଭେଇ ଦେଇଥିବେ ,


ଶେଷ ସ୍ମୃତି ଖୋଜିବାର ଜାଗା ରାମଚଣ୍ଡୀ

ଅଟୋ ଯୋଗେ ହେଉ ନହେଲେ ବସ୍ ଯୋଗେ

ଅବା କାହାର ସାହାର୍ଯ୍ୟ ନେଇ ପହଞ୍ଚେ ରାମଚଣ୍ଡି ରେ

ଆଉ ଖୋଜିବାରେ ଲାଗିପଡ଼େ ସେଦିନ ଛାଡି ଦେଇ ଆସିଥିବା

ସିନ୍ଦୁର ଫରୁଆ , ପ୍ରେମିକାର ପୁରୁଣା ଚୁଡି ଆଉ ଲାଲ୍ ଅଳତା ,

ଯାହା ଥିଲା ପ୍ରେମିକା ପାଇଁ ପ୍ରଥମ ପ୍ରେମର ଉପହାର ,

ସେ ବି ମିଳେନି , ଖୋଜି ଖୋଜି ନୟାନ୍ତ ହେଇଯାଏ

ଆଉ ଖୋଜିବାର ଦମ୍ଭ ଭାଙ୍ଗିଗଲା ପରେ

ମନକୁ ପ୍ରଶ୍ନ ଟିଏ ଆସେ ,

ଏ ସ୍ମୃତି ସବୁ ଗଲେ କୁଆଡେ ?? ଚଢ଼େଇଗାଁ ,ନିମାପଡା ,ପୁରୀ



Rate this content
Log in