ଜୀବନ ଗୀତା-୩୩୯
ଜୀବନ ଗୀତା-୩୩୯
1 min
449
ଜୀବନ ଦୁର୍ଲଭ ପୂତ ଅନୁପମ
ନାହିଁ ତାହାର ଛଳନା
ଜୀବନତ ପୂର୍ଣ୍ଣ ସ୍ୱୟଂ ସେ ସଂପୂର୍ଣ୍ଣ
ନାହିଁ ତାହାର କଳନା ॥୦॥
ଇତିହାସ ସାକ୍ଷୀ ଜୀବନର ଧାରା
ନିରବଚ୍ଛିନ୍ନ ଚାଲିଛି ବହି
ଯୁଗ ପରେ ଯୁଗ ବିତି ଯାଇଅଛି
ଅଟକି ସିଏ ରହିନି କାହିଁ
ଜୀବନ ସୁନ୍ଦର ସତ୍ୟର ଆଧାର
ନାହିଁ ଟିକିଏ ଛଳନା ॥୧॥
ପୁଲକିତ ପ୍ରାଣ ମାଟିର ଛୁଆଁରେ
ମହୁଆ ମହକ ଯାଏ ପାଇ
ମାଟିମା ସାଥିରେ ଯୋଡି ହୋଇଥିଲେ
ଛିନ୍ନମୂଳ କେବେ ହୁଏନାହିଁ
ତାପାଇଁ ବୁକୁର ଅମୃତର ଧାର
ବହଇ ହୋଇ ଝରଣା ॥୨॥