ପ୍ରେମର ସିକୁଳି
ପ୍ରେମର ସିକୁଳି
1 min
180
ପ୍ରେମର ସିକୁଳି
ମୋ ପ୍ରେମ ଝୁଲୁଛି ସିକୁଳିରେ ଆଜି
ତୁମେ ଛାଡି ଗଲାପରେ
ଆଜିବି ତୁମକୁ ଝୁରୁଛି ମୋ ମନ
ରହିଛ ମୋ ହୃଦୟରେ ।
ଭୁଲି ପାରୁନାହିଁ ତୁମକୁ ମୁଁ ପ୍ରିୟା
ମନେପଡେ ତୁମ ସ୍ମୃତି
ଆଉ କାହା ପାଇଁ ମନ୍ଦିରରେ ସିନା
ତୁମେ ଜାଳୁଅଛ ବତୀ ।
ଅବୁଝା ମନକୁ ଥର ଥର କରି
ବୁଝାଏ ଅନେକ ଥର
ଶେଷରେ ମିଳୁଛି ଗୋଟାଏ ଉତ୍ତର
ତୁମେ ଖାଲି ଏକା ମୋର ।
କେମିତି ଭୁଲିବି ଯେଉଁକଥା ସବୁ
କହିଥିଲ ମଥା ଛୁଇଁ
ସେହି କଥା ଆଜି ଆଖିର ଲୁହରେ
ବହୁଛି ନଈଟେ ହୋଇ ।
ମୁଁ ନିଜେ ଜାଣେନା ଜୀବିତ କି ମୃତ
ମୋ ପ୍ରେମଟା ତୁମ ପାଇଁ
ହେଲେ ସେ ଝୁଲୁଛି ସିକୁଳିରେ ଆଜି
ତୁମ ପଥ ଚାହିଁ ଚାହିଁ ।
ପ୍ରଶାନ୍ତ କୁମାର ନାଥ
ସୁନ୍ଦରପୁର,ପ୍ରୀତିପୁର,ଯାଜପୁର ।