ଭିନ୍ନଏକ ପ୍ରେମପତ୍ର

ଆଗୋ ମୋ ସ୍ବପ୍ନର ଚନ୍ଦ୍ରମା,

ଦେଖିଣ ତୁମ୍ଭର ରୂପ ଲାବଣ୍ଯ ଝଲକ

ହେଇଥିଲି ମୁଁ ଯେ ସମ୍ମୋହିତ,

ହୃଦୟେ ବହି ଆଲିଙ୍ଗନ ଅଭିଳାଷ

ଇସ୍ରୋ ସହ ହୋଇଥିଲି ମତ୍ତ।

ମିଳନ ପୂର୍ବରୁ ବିହି ଲେଖିଦେଲା ସିନା

ଆମ ଭାଗ୍ଯେ ବିରହ ବିୟୋଗ,

ହେଲେ ରୋକିପାରିବ କି ହୃଦୟେ ଆମ୍ଭର

ଉଠୁଥିବା ପ୍ରେମର ତରଙ୍ଗ।

ପ୍ରେମ ଏକ ପ୍ରୀତିରସ ଭରା ତଟିନୀଟେ

ଚିର ପ୍ରବାହିତ ସ୍ରୋତ ହୋଇ,

ଅତୃପ୍ତ ଶୋଷର ତୃପ୍ତି ଚରିତାର୍ଥେ

ସଦା ବ୍ଯାକୁଳିତ ହୁଅଇ।

ଫେରିବି ତୁମ୍ଭର ପାଖେ ନିଶ୍ଚେ ଗୋ ପ୍ରେୟସୀ

ମୁଁ କରୁଅଛି ତ୍ରିବାର ସତ୍ଯ,

ମିଳନ ଆମ ସର୍ବତଃ ଦୃଷ୍ଟାନ୍ତ ସାଜିବ

ବିଶ୍ବ ହୋଇବ ହତଚକିତ।