ଜୀବନ ଗୀତା-୩୯୯
ଜୀବନ ଗୀତା-୩୯୯
ଜୀବନଟା ସାରା ନିଜ ସହ ନିଜେ
ଲଢେଇ କଲି
କେତେବେଳେ ଜୟ କେବେ ପରାଜୟ
ସିନା ଭୋଗିଲି ॥୦॥
ମଣିଷ ମୁଁ ଅସଲି ନୁହଁଇତ ନକଲି
ନିଜର ନିୟତି ସାଥେ ମୁଁ ଲଢିଛି
ଲଢିଛି ମୃତ୍ୟୁର ସାଥେ
ଟିକିଏ ଟିକିଏ ହୋଇ ଆଗୋଉଛି
ଆଜି ମୁଁ ଜୀବନ ପଥେ
ଭାଗ୍ୟ ସାଥେ ଯୁଦ୍ଧ କରିବାର କଳା
ଶିଖି ମୁଁ ଗଲି ॥୧॥
ଖାଣ୍ଟି ସୁନା ଏ ମନ ଖାଣ୍ଟି ମୋର ଜୀବନ
ଅନ୍ତରେ ଲଢେଇ ବାହାରେ ଲଢେଇ
କରିଛି ମୁଁ କାଳେକାଳେ
ଯନ୍ତ୍ରଣା ଯେତେକ ଗୀତରେ ସଜାଇ
ଗାଇଛି ସୂରର ତାଳେ
ଯୁଦ୍ଧରେ ଯୁଦ୍ଧରେ ଜୀବନ ଜିଇଁବା
କଳା ଅସଲି ॥୨॥