☀☀ ସ୍ତ୍ରୀ ☀☀
☀☀ ସ୍ତ୍ରୀ ☀☀
1 min
6.7K
ସ୍ତ୍ରୀ
ସ୍ତ୍ରୀ !
ପ୍ରେମିକା ନୁହଁ ଯେ,
ମନ କି ହୃଦୟ ବିନା, ଆଉ କିଛି ଭାବି ନପାରିବ,
ଉଦରର କ୍ଷୀଣ କଷ୍ଟକୁ, ବି ସେ ବୁଝିନେଉଥିବ ।
ସ୍ତ୍ରୀ !
ପ୍ରେମିକା ନୁହଁ ଯେ,
ମାନକରି ମୁହଁମୋଡି, ଓଲଟା ଫେରିଯାଉଥିବ ,
ଲକ୍ଷେ ଇଚ୍ଛା ମାରି ସେ, ତୁମ ସହ ବାଟ ଚାଲୁଥିବ ।।
ସ୍ତ୍ରୀ !
ପ୍ରେମିକା ନୁହଁ ଯେ,
ଛାତି କୋଣେ ପ୍ରାପ୍ତିର, ମଶାଲ ଜାଳି ରଖୁଥିବ,
ପରିପୂର୍ଣ୍ଣା ହୋଇ ସୁଦ୍ଧା, ସର୍ବତ୍ୟାଗ ମନ୍ତ୍ର ଜପୁଥିବ ।।।
ସ୍ତ୍ରୀ !
ପ୍ରେମିକା ନୁହଁ ଯେ,
ରାଗି-ଋଷି ଅଧାବାଟେ, ହାତ ଛାଡିଦେଉଥିବ,
ସାଥେ ଚାଲି ତୁମ ଆଗୁ, ଜୁଇସ୍ୱପ୍ନ ନିତି ଦେଖୁଥିବ ।।।।
(ତୁମେ କିନ୍ତୁ ଅର୍ହନିଶି, ସ୍ତ୍ରୀ ମଧ୍ୟେ, ପ୍ରେମିକାକୁ ଖୋଜିଚାଲୁଥିବ)
✿✿✿ ଅମିୟ ବେଜ୍, ଘଟଗାଁ , କେନ୍ଦୁଝର ✿✿✿