ପୁଣିଥରେ
ପୁଣିଥରେ
ଆ...!
ଆ;
ତୋ ଅଧିଛାତିରୁ ଓହ୍ଲାଇଦେବି
ନିରାଶ ଯାତନା ସବୁ ,
ଉପାଡ଼ି ଦେବି ଦୀର୍ଘଶ୍ୱାସର
ଝଙ୍କାଳିଆ ମହୀରୁହ ସବୁ;
ଆ;
ତୋ ବୁକୁର ତନୁସ୍ୱର୍ଗକୁ
ଉର୍ବର କରିଦେବି,
ମୋ ନିବିଡ଼ ଆଲିଙ୍ଗନର
ଏକତାନ ରୋମାଞ୍ଚ ସ୍ପର୍ଶରେ;
ଆ;
ଥାପିଦେବି ପ୍ରେମର ଅମରାବତୀ
ତୋ ହୁରୁଦ ଅଳିନ୍ଦ ନିଳୟେ,
ତୋ ପତ୍ରଝଡା ଶରତ ଲୁହକୁ
ପୋଛିଦେବି ପରଶର ମଧୁମାସରେ;
ଆ;
ତୋ ଲେଉଟାଣି ପାଦକୁ ଆଣି ଚଲେଇବି
ମୋ ପ୍ରେରଣାର ସମୃଦ୍ଧ ରାସ୍ତାରେ,
ତୋ ଭାରାକ୍ରାନ୍ତ କାନ୍ଧରେ ଖଞ୍ଜିଦେବି
ବିଶ୍ୱାସରେ ଡେଣା ଏତେ ଯତନରେ;
ଆ;
ତୋ କମ୍ପୁଥିବା ହାତକୁ ସଶକ୍ତ କରିବି
ମୋ ହାତର ଭରସା ଶକ୍ତିରେ,
ସତ୍ୟ ଦେବି, ଶକ୍ତି ଦେବି, ଦେବି ତୋତେ ମୁକ୍ତି
ଉଡ଼ିଯିବୁ ଶାଶ୍ୱତ ସ୍ୱର୍ଗରେ;
ଆ...!
-ପ୍ରଭୂ